വാഷിങ്ടണ്:ബൈഡന് കമല ഹാരിസ് ടീം അധികാരം ഏറ്റെടുത്തു അടുത്ത ദിവസം തന്നെ ചില ഭൂരിപക്ഷ മുസ്ലിം രാഷ്ടങ്ങളില് നിന്നും കുടിയേറ്റക്കാര്ക്കു ട്രംപ് ഭരണകൂടം ഏര്പ്പെടുത്തിയ നിയന്തണം അവസാനിപ്പികുമെന്നു നിയുക്ത പ്രസിഡന്റ് ജോ ബൈഡനെ ഉദ്ധരിച്ചു നിയുക്ത വൈറ്റ് ഹൗസ് ചീഫ് ഓഫ് സ്റ്റാഫ് റോണ് ക്ളിന് അറിയിച്ചു .അധികാരമേല്ക്കാന് ഒരു ദിവസം മാത്രം ബാക്കിനില്ക്കെ പ്രസിഡണ്ടാകാനുള്ള തയ്യാറെടുപ്പുകള് ജോ ബൈഡന് തുടങ്ങിക്കഴിഞ്ഞു. ബൈഡന്റെ ആദ്യത്തെ വിദേശയാത്ര ബ്രിട്ടനിലേക്ക് ആയിരിക്കും എന്ന് ഉറപ്പായിരിക്കുന്നു.
കാര്ബിസ് ബേയില്, ജൂണില് നടക്കുന്ന ജി 7 ഉച്ചകോടിയില് പങ്കെടുക്കാനായിരിക്കും ജോ ബൈഡന് എത്തുക. ഇതായിരിക്കും പ്രസിഡന്റ് ജോ ബൈഡന്റെ ആദ്യ വിദേശ സന്ദര്ശനം.അതേസമയം, ട്രംപ് നടപ്പിലാക്കിയ വിവാദപരമായ പല നിയമങ്ങളും ജോ ബൈഡന് റദ്ദാക്കിയേക്കും എന്ന സൂചനകളാണ് ഇപ്പോള് ലഭിക്കുന്നത്. ട്രംപിന്റെ നയത്തിന് ഏകദേശം വിപരീതമായ നയമായിരിക്കും പുതിയ സര്ക്കാര് കൈക്കൊള്ളുക എന്നതിന്റെ സൂചനകളാണ് ലഭിക്കുന്നത്.
പാരിസ് കാലാവസ്ഥ കരാറിലും അമേരിക്ക ചേരും. നേരത്തേ ട്രംപായിരുന്നു ഇതില് നിന്നും പിന്വാങ്ങാനുള്ള തീരുമാനം എടുത്തത്. അമേരിക്കന് പ്രസിഡണ്ടിനോടൊപ്പം ഫ്രഞ്ച് പ്രസിഡണ്ട് ഇമ്മാനുവല് മക്രോണ്, ജപ്പനിലെ പുതിയ പ്രധാനമന്ത്രി യോഷിഡേ സുഗ, കാനഡ പ്രധാനമന്ത്രി ജസ്റ്റിന് ട്രുഡേ, ഇറ്റലിയുടെ ഗിസേപ്പെ കോണ്ടെ എന്നിവരും ഈ ഉച്ചകോടിയില് പങ്കെടുക്കും.യൂറോപ്യന് യൂണിയനില് നിന്നുള്ള പ്രതിനിധികളും ഇതില് പങ്കെടുക്കുന്നുണ്ട്. കേവലം 3000 താമസക്കാര് മാത്രമുള്ള താരതമ്യേന ശാന്തമായ കാര്ബിസ് ബേ എന്ന ഗ്രാമത്തിലാണ് ഈ ഉച്ചകോടി നടക്കുന്നത്.
ഇതാദ്യമായാണ് പ്രധാന നഗരങ്ങളെല്ലാം വിട്ട്, ഇത്രയും ചെറിയൊരു പ്രദേശത്ത് ഇത്തരത്തിലൊരു ഉച്ചകോടി നടക്കുന്നത്.കോവിഡ് മഹാമാരിയില് സാമ്പത്തികമായി തകര്ന്ന അവസ്ഥയില് നിന്നും രാജ്യത്തെ രക്ഷിച്ചു കൊണ്ടുവരുന്നതിനായി ജോബൈഡന് തന്റെ പുതിയ സാമ്പത്തിക പാക്കേജുകള് ഇതിനകം പ്രഖ്യാപിച്ചു. ഇതു പ്രകാരം 139 ലക്ഷം കോടി രൂപയുടെ സാമ്പത്തിക പാക്കേജാണ് അമേരിക്കയിലെ ജനങ്ങള്ക്കായി അദ്ദേഹം പ്രഖ്യാപിച്ചത്.
ഇതില് 30 കോടി രൂപയോളം കോവിഡ് മഹാമാരിയെ നേരിടുന്നതിനുള്ള ചിലവുകളിലേക്കും മറ്റു പ്രവര്ത്തനങ്ങളിലേക്കും നീക്കിയിരിപ്പ് നടത്തും. നിരവധിപേര്ക്ക് കോവിഡ് ബാധിക്കുകയും ജീവിതം തന്നെ തകര്ന്നടിയുകയും ചെയ്തിട്ടുണ്ട്. അവര്ക്ക് വേണ്ടിയാണ് 72 ലക്ഷം രൂപ മാറ്റി വയ്ക്കുന്നത്. എന്നാല് കോവിഡ് അനന്തരം നിരവധി വ്യവസായങ്ങളാണ് പ്രതിസന്ധിയിലായത്. അത്തരം വ്യവസായങ്ങളെ കരകയറ്റാന് വേണ്ടിയാണ് ശേഷിക്കുന്ന 32 ലക്ഷം കോടി രൂപ ചിലവഴിക്കുക.
Discussion about this post