കൊൽക്കത്ത: 2021 ലെ പശ്ചിമ ബംഗാൾ നിയമസഭാ തെരഞ്ഞെടുപ്പിൽ താൻ നന്ദഗ്രാമിൽ നിന്ന് മത്സരിക്കുമെന്ന് തൃണമൂൽ കോൺഗ്രസ് മേധാവി മമത ബാനർജി. പശ്ചിമ ബംഗാൾ മുഖ്യമന്ത്രി വരാനിരിക്കുന്ന ബംഗാൾ തെരഞ്ഞെടുപ്പിൽ രണ്ട് സീറ്റുകളിൽ നിന്ന് മത്സരിക്കും, മറ്റൊന്ന് കൊൽക്കത്തയിലെ നിയമസഭാ മണ്ഡലമായ ഭബാനിപൂർ. അതേസമയം രണ്ടിടത്തും മത്സരിക്കുന്നത് പരാജയഭീതി കൊണ്ടെന്നാണ് ബിജെപി വൃത്തങ്ങൾ പറയുന്നത്. നന്ദിഗ്രാമിൽ നടന്ന പൊതു റാലിയെ അഭിസംബോധന ചെയ്താണ് മമത ബാനർജി ഇക്കാര്യം അറിയിച്ചത്.
വരാനിരിക്കുന്ന തെരഞ്ഞെടുപ്പിൽ വൻ വിജയവുമായി തൃണമൂൽ അധികാരത്തിൽ വീണ്ടും തിരിച്ചെത്തുമെന്ന് മമത പറഞ്ഞു. ബിജെപിയിലേക്ക് ചാടുന്ന തന്റെ പാർട്ടി നേതാക്കളെക്കുറിച്ച് തനിക്ക് യാതൊരു ആശങ്കയില്ലെന്നും ബാനർജി പറഞ്ഞു.2019 ഡിസംബറിൽ ഭാരതീയ ജനതാ പാർട്ടിയിൽ (ബിജെപി) ചേർന്ന സുവേന്ദു അധികാരി 2016 ലെ പശ്ചിമ ബംഗാൾ തെരഞ്ഞെടുപ്പിൽ ടിഎംസി സ്ഥാനാർത്ഥിയായി ശക്തമായ വിജയം നേടിയിരുന്ന മണ്ഡലമാണ് നന്ദിഗ്രാം എന്നത് ശ്രദ്ധേയമാണ്.
2011 പശ്ചിമ ബംഗാൾ നിയമസഭാ തെരഞ്ഞെടുപ്പിൽ ഇടതുമുന്നണി സർക്കാരിനെ പരാജയപ്പെടുത്തി അധികാരമേറ്റെടുക്കാൻ തൃണമൂലിനെ വളരെയധികം സഹായിച്ച മമത ബാനർജിയുടെ രാഷ്ട്രീയത്തിലെ നിർണായക നന്ദിഗാം അധ്യായത്തിന്റെ തിരക്കഥ രചിച്ച വ്യക്തിയാണ് അധികാരി. നന്ദിഗ്രാമിലെ വളരെ ശക്തനായ വ്യക്തിയായി സുവേന്ദു അധികാരി കണക്കാക്കപ്പെടുന്നു. മമത ബാനർജി അതേ പ്രദേശത്ത് നിന്ന് മത്സരിക്കുമെന്ന് പ്രഖ്യാപിച്ചതോടെ രാജ്യം ഉറ്റുനോക്കുന്ന മണ്ഡലമായിരിക്കും നന്ദിഗ്രാം എന്നത് ഏതാണ്ടുറപ്പായി.
നെല്ലുല്പ്പാദന രംഗത്ത് റെക്കോഡ് വരുമാനവുമായി യു.പി കർഷകർ, ഗോതമ്പ് കര്ഷകര്ക്കും സമാന നേട്ടം
നന്ദിഗ്രാമിൽ ഭൂമി ഏറ്റെടുക്കുന്നതിനെതിരെ പ്രചാരണം സംഘടിപ്പിച്ചു കൊണ്ടാണ് സുവേന്ദു അധികാരി തൃണമൂലിൽ പ്രചാരം നേടിയത്. ഇടതുപക്ഷത്തിന്റെ ശക്തികേന്ദ്രങ്ങളായ വെസ്റ്റ് മിഡ്നാപൂർ ഡിസ്ട്രിക്റ്റ്, ബൻകുര, പുരുലിയ എന്നിവ തൃണമൂൽ പിടിച്ചെടുക്കുകയും ചെയ്തു. ബംഗാൾ മുഖ്യമന്ത്രിക്ക് ശേഷം പാർട്ടിയിലെ ഏറ്റവും ശക്തനായ രണ്ടാമത്തെ വ്യക്തിയായി മാറിയ മമത ബാനർജിയുടെ അനന്തരവൻ അഭിഷേക് ബാനർജിയുമായുള്ള വിള്ളലിനെത്തുടർന്നാണ് സുവേന്ദു അധികാരി തൃണമൂലിൽ നിന്ന് രാജിവച്ചത്.
