സൂറത്ത്: റോഡരികില് ഉറങ്ങിക്കിടക്കുകയായിരുന്ന അഭയാര്ഥി തൊഴിലാളികള്ക്ക് മേല് ട്രക്ക് പാഞ്ഞുകയറി പതിനഞ്ചുപേര്ക്ക് ദാരുണാന്ത്യം. ഗുജറാത്തിലെ സൂറത്തില് ഇന്ന് പുലര്ച്ചയോടെയാണ് സംഭവം. കൊസാമ്പയ്ക്ക് സമീപം കിം മാണ്ട്വി ഹൈവേയില് വച്ച് ട്രക്കും കരിമ്പുമായെത്തിയ ട്രാക്ടറും കൂട്ടിയിടിച്ചു. ഇടിയുടെ ആഘാതത്തില് നിയന്ത്രണം വിട്ട ട്രക്ക് റോഡരികില് ഉറങ്ങിക്കിടക്കുകയായിരുന്ന ആളുകളുടെ മുകളിലേക്ക് പാഞ്ഞു കയറുകയായിരുന്നു എന്നാണ് റിപ്പോര്ട്ട്.
പതിനെട്ടു പേരാണ് ഇവിടെയുണ്ടായിരുന്നത്. പന്ത്രണ്ട് പേര് സംഭവസ്ഥലത്തു തന്നെ മരിച്ചു. പരിക്കേറ്റവരില് മൂന്ന് പേര് ആശുപത്രിയിലാണ് മരിച്ചത്. രാജസ്ഥാന് ബന്സ്വാര സ്വദേശികളാണ് കൊല്ലപ്പെട്ടതെന്നാണ് എഎന്ഐ റിപ്പോര്ട്ട് ചെയ്യുന്നത്. സംഭവത്തില് ട്രക്ക് ഡ്രൈവറെ പൊലീസ് അറസ്റ്റ് ചെയ്തു. അതേസമയം അപകടത്തില് അനുശോചനം അറിയിച്ച് ബിജെപി നേതാവ് ഓം ബിര്ള പ്രതികരിച്ചിട്ടുണ്ട്. രാജസ്ഥാനില് നിന്നുള്ള തൊഴിലാളികളാണ് മരിച്ചതെന്ന് പൊലീസ് വ്യക്തമാക്കി.
കോവിഡ് വാക്സിന് സ്വീകരിക്കുന്നവര് സ്വവര്ഗാനുരാഗികളായി മാറുമെന്ന് ഇസ്രായേല് ജൂത പുരോഹിതന്റെ വാദം
ഇന്ന് പുലര്ച്ചെയോടെയാണ് അപകടമുണ്ടായത്. ഉത്തരേന്ത്യയിലെ പല സംസ്ഥാനങ്ങളും ഇപ്പോള് അതിശൈത്യത്തിന്റെ പിടിയിലാണ്. പുലര്ച്ചെ വാഹനമോടിച്ച ഡ്രൈവര്ക്ക് കനത്ത മഞ്ഞു വീഴ്ച കാരണം സംഭവിച്ച അപകടമാകാമെന്നാണ് പ്രാഥമിക നിഗമനം. അപകടത്തിന്റെ കൂടുതല് വിവരങ്ങള് പുറത്തു വന്നിട്ടില്ല.
Discussion about this post