ഡൽഹി: അച്ചടക്ക ലംഘനം നടത്തിയതിന് ആം ആദ്മി പാർട്ടിയിലെ മൂന്ന് എം പിമാർക്ക് സസ്പെൻഷൻ. കാർഷിക നിയമങ്ങളെ ചൊല്ലി ബഹളം വെച്ച എം പിമാരെയാണ് ഉപരാഷ്ട്രപതി വെങ്കൈയ്യ നായിഡു ഒരു ദിവസത്തേക്ക് സസ്പെൻഡ് ചെയ്തത്.
രാവിലെ സഭാസമ്മേളനം ആരംഭിച്ചതു മുതൽ തന്നെ ആം ആദ്മി പാർട്ടിയിലെ മൂന്ന് എംപിമാർ നടുത്തളത്തിലിറങ്ങി ബഹളമുണ്ടാക്കുകയായിരുന്നു. തുടർന്ന് സഭ 9.40വരെ നിർത്തിവച്ചു. പിന്നീട് സഭ ചേർന്നപ്പോഴാണ് ഇവരെ സസ്പെൻഡ് ചെയ്തത്. സഭയിൽ നിന്നും പുറത്തുപോകാൻ തയ്യാറാകാത്ത ഇവരെ ബലം പ്രയോഗിച്ച് പുറത്താക്കി.
അതേസമയം സഭയിൽ കാർഷിക നിയമങ്ങളെ കുറിച്ച് ചർച്ച ചെയ്യാൻ 15 മണിക്കൂർ അനുവദിക്കണമെന്ന കാര്യത്തിൽ ഭരണ-പ്രതിപക്ഷ കക്ഷികൾ ധാരണയിലെത്തി. കാർഷിക നിയമങ്ങൾ കർഷകരുടെ ജീവതം മെച്ചപ്പെടുത്തുന്നതാണെന്ന് സഭയിൽ ബിജെപി ആവർത്തിച്ചു. ബജറ്റിലെ നന്ദി പ്രമേയ ചർച്ച രാജ്യസഭയിൽ പുരോഗമിക്കുകയാണ്.
Discussion about this post