തിരുവനന്തപുരം: കേരളത്തിൽ ഇന്നും ആറായിരം പിന്നിട്ട് പ്രതിദിന കൊവിഡ് ബാധിതരുടെ എണ്ണം. ഇന്ന് സംസ്ഥാനത്ത് 6075 പേർക്ക് രോഗബാധ സ്ഥിരീകരിച്ചു. കൊവിഡ് ബാധിച്ച് 19 പേർ മരിച്ചു. ഇതോടെ സംസ്ഥാനത്തെ ആകെ കൊവിഡ് മരണ സംഖ്യ 3867 ആയി.
കൊല്ലം 824, മലപ്പുറം 671, കോഴിക്കോട് 663, കോട്ടയം 639, പത്തനംതിട്ട 570, എറണാകുളം 558, തിരുവനന്തപുരം 442, തൃശൂര് 421, ആലപ്പുഴ 368, കണ്ണൂര് 254, വയനാട് 212, ഇടുക്കി 207, പാലക്കാട് 159, കാസര്ഗോഡ് 87 എന്നിങ്ങനെയാണ് ജില്ല തിരിച്ചുള്ള ഇന്നത്തെ രോഗബാധിതരുടെ എണ്ണം.
യുകെയില് നിന്നും വന്ന ഒരാള്ക്കാണ് കഴിഞ്ഞ 24 മണിക്കൂറിനകം കൊവിഡ് സ്ഥിരീകരിച്ചത്. അടുത്തിടെ യു.കെ.യില് നിന്നും വന്ന 80 പേര്ക്കാണ് ഇതുവരെ കോവിഡ്-19 സ്ഥിരീകരിച്ചത്. ആകെ 10 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.
സംസ്ഥാനത്തെ ടെസ്റ്റ് പോസിറ്റിവിറ്റി നിരക്ക് 9.27 ആണ്. ഇന്ന് രോഗം സ്ഥിരീകരിച്ചവരില് 5603 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 27 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 5948 പേരുടെ പരിശോധനാഫലം നെഗറ്റീവ് ആയി.
ഇന്ന് 11 പുതിയ ഹോട്ട് സ്പോട്ടുകളാണുള്ളത്. ഒരു പ്രദേശത്തേയും ഹോട്ട് സ്പോട്ടില് നിന്നും ഒഴിവാക്കിയിട്ടില്ല. സംസ്ഥാനത്ത് നിലവില് ആകെ 445 ഹോട്ട് സ്പോട്ടുകളാണുള്ളത്.
Discussion about this post