ഡൽഹി: കൊവിഡ് വാക്സിൻ ലഭ്യമാക്കിയതിന് ഇന്ത്യൻ പ്രധാനമന്ത്രി നരേന്ദ്ര മോദിക്ക് നന്ദി അറിയിച്ച് ഡൊമിനിക്കൻ പ്രധാനമന്ത്രി റൂസ്വെൽറ്റ് സ്കെറിറ്റ്. വെറും എഴുപത്തിരണ്ടായിരം പേർ മാത്രമുള്ള ഒരു കൊച്ചു രാജ്യമാണ് എന്റേത്. ഇന്ത്യൻ പ്രധാനമന്ത്രി നരേന്ദ്ര മോദിയിൽ നിന്നും ഇത്രയും വേഗത്തിൽ പ്രതികരണം പ്രതീക്ഷിച്ചിരുന്നില്ലെന്നും അദ്ദേഹം പറഞ്ഞു.
ജനുവരി 19നായിരുന്നു വാക്സിൻ ആവശ്യപ്പെട്ട് ഡൊമൊനിക്കൻ പ്രധാനമന്ത്രി ഇന്ത്യയെ സമീപിച്ചത്. കൊവിഡ് വാക്സിനുമായി ബാർബഡോസിൽ എത്തിയ ഇന്ത്യൻ വിമാനങ്ങളെ സ്കെറിറ്റ് നേരിട്ട് എത്തി സ്വീകരിച്ചു. വിമാനത്തിൽ നിന്നും വാക്സിൻ ഇറക്കാൻ അദ്ദേഹവും കാബിനറ്റ് മന്ത്രിമാരും സഹായിച്ചു.
A gesture of goodwill, an example of support. Made in India vaccines arrive in Dominica. #VaccineMaitri pic.twitter.com/HeYYkjpDoR
— Dr. S. Jaishankar (Modi Ka Parivar) (@DrSJaishankar) February 10, 2021
ചെറിയവനെയും വലിയവനെയും ഒരേ പോലെ പരിഗണിക്കുന്നവനാണ് ദൈവത്തെ അറിഞ്ഞവൻ. എന്റെ കൊച്ചു രാജ്യത്തിന്റെ പ്രാർത്ഥന ഇത്രവേഗം ദൈവം കേൾക്കുമെന്ന് കരുതിയില്ല. വാക്സിൻ ലഭ്യമായതിലൂടെ രോഗത്തെ തോൽപ്പിക്കാൻ മാത്രമല്ല, ലോകരാജ്യങ്ങൾക്ക് മുന്നിൽ തുല്യതയോടെ തല ഉയർത്തിപ്പിടിച്ച് നിൽക്കാനും ഞങ്ങൾക്ക് സാധിക്കുന്നു. ഇതിന് ഇന്ത്യൻ പ്രധാനമന്ത്രി നരേന്ദ്ര മോദിക്ക് ഹൃദയത്തിന്റെ ഭാഷയിൽ നന്ദി അറിയിക്കുകയാണെന്ന് ഡൊമിനിക്കൻ പ്രധാനമന്ത്രി അറിയിച്ചു. ഇന്ത്യ എന്താണെന്ന് ലോകത്തിന് ഒരിക്കൽ കൂടി ബോദ്ധ്യമായിരിക്കുകയാണെന്നും അദ്ദേഹം കൂട്ടിച്ചേർത്തു.
രോഗത്തിന്റെ കെടുതികളിൽ നിന്നും മോചനം നേടാൻ സുഹൃദ് രാഷ്ട്രങ്ങളെ സഹായിക്കാനുള്ള പ്രധാനമന്ത്രി നരേന്ദ്ര മോദിയുടെ പദ്ധതി പ്രകാരമാണ് ഡൊമിനിക്കക്ക് ഇന്ത്യ 35,000 ഡോസ് കൊവിഡ് വാക്സിൻ നൽകിയത്. ഡൊമിനിക്കക്ക് പുറമെ ഉഗാണ്ട, ഇക്വഡോർ, എൽ സാല്വദോർ, നിക്കാരഗ്വ, മൊറോക്കോ, നമീബിയ തുടങ്ങിയ രാജ്യങ്ങൾക്കും ഇന്ത്യ കൊവിഡ് വാക്സിൻ നൽകിയിരുന്നു.
