മഞ്ചേശ്വരം: ബിജെപിയും എന്ഡിഎയും ഉയര്ത്തുന്ന രാഷ്ട്രീയം അറുപത് കൊല്ലത്തിന് ശേഷം എല്ഡിഎഫും യുഡിഎഫും ചര്ച്ച ചെയ്ത് തുടങ്ങിയെന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്. നിയമസഭാ തിരഞ്ഞെടുപ്പിന് മുന്നോടിയായുള്ള ബിജെപിയുടെ വിജയയാത്രയുടെ ഉദ്ഘാടന സമ്മേളനത്തില് സംസാരിക്കുകയായിരുന്നു അദ്ദേഹം.
കഴിഞ്ഞ ആറുപതിറ്റാണ്ടുകാലം കേരളം മാറിമാറി ഭരിച്ച ഇടതു വലതു മുന്നണികള്ക്കെതിരായ ശക്തമായ ജനവികാരത്തിന്റെ പ്രതിഫലനമാണ് ഈ യാത്രയിലൂടെ ഈ നാട് കാണാന് പോകുന്നതെന്നും സുരേന്ദ്രന് പറഞ്ഞു.
ശബരിമല വിഷയത്തില് മുന് മുഖ്യമന്ത്രി ഉമ്മന്ചാണ്ടിക്കെതിരെ രൂക്ഷ വിമര്ശനമാണ് സുരേന്ദ്രന് ഉന്നയിച്ചത്. ശബരിമലയില് നിയമം കൊണ്ടുവരുമെന്ന് ഉമ്മന് ചാണ്ടി പറയുന്നു. ശബരിമല പ്രക്ഷോഭകാലത്ത് ഉമ്മന്ചാണ്ടിയെ പോലെ മൗനം അവലംബിച്ച മറ്റൊരു നേതാവില്ല. പിണറായി വിജയന് ലക്ഷക്കണക്കായ വിശ്വാസികളെ വേട്ടയാടിയപ്പോള് മൗനം ഉമ്മന് ചാണ്ടി കുറ്റകരമായ മൗനം അവലംബിച്ചുവെന്നും സുരേന്ദ്രന് ആരോപിച്ചു.
Discussion about this post