ഡൽഹി: പ്രധാനമന്ത്രി നരേന്ദ്ര മോദിക്ക് പിന്നാലെ കൊവിഡ് വാക്സിൻ സ്വീകരിച്ച് രാജ്യത്തെ പ്രമുഖർ. കേന്ദ്ര ആരോഗ്യ വകുപ്പ് മന്ത്രി ഡോക്ടർ ഹർഷവർദ്ധൻ ഇന്ന് വാക്സിൻ സ്വീകരിച്ചു. ഭാര്യ നൂതൻ ഗോയലിനൊപ്പം ഡൽഹിയിൽ നിന്നാണ് അദ്ദേഹം കുത്തിവയ്പ്പ് എടുത്തത്.
എല്ലാവരും വാക്സിൻ എടുക്കണമെന്ന് ഞാൻ അഭ്യർത്ഥിക്കുകയാണ്. ഒന്നാം ഡോസ് സ്വീകരിച്ച് 28 ദിവസങ്ങൾക്ക് ശേഷം രണ്ടാം ഡോസും എടുക്കണം. ചെറിയ പാർശ്വഫലങ്ങൾ കാര്യമാക്കേണ്ടതില്ല. എന്നാൽ എല്ലാം ഡോകടറെ ധരിപ്പിക്കണമെന്നും അദ്ദേഹം പറഞ്ഞു.
അറുപത് വയസ്സിന് മുകളിൽ പ്രായമുള്ളവർക്കും 45നും 59ഉം ഇടയിൽ പ്രായമുള്ള ഗുരുതര രോഗങ്ങൾ ഉള്ളവർക്കുമാണ് രണ്ടാം ഘട്ടത്തിൽ കൊവിഡ് വാക്സിൻ നൽകുന്നത്. കഴിഞ്ഞ ദിവസം ഒന്നാം ഡോസ് വാക്സിൻ സ്വീകരിച്ച പ്രധാനമന്ത്രി നരേന്ദ്ര മോദി അർഹരായ എല്ലാവരും വാക്സിൻ എടുക്കണമെന്നും അഭ്യർത്ഥിച്ചിരുന്നു.
