കത്വ: ജമ്മു കശ്മീരിലെ കത്വയിലെ സോത്ര ചാക്ക് ഗ്രാമത്തില് പാകിസ്ഥാൻ വിമാനത്തിന്റെ രൂപത്തിലുള്ള ബലൂണ് കണ്ടെത്തി. നിലത്ത് വീണു കിടക്കുന്ന നിലയിലാണ് ബലൂണ് കണ്ടെത്തിയത്. ബലൂണിന് മുകളില് പി.ഐ.എ എന്ന് രേഖപ്പെടുത്തിയിട്ടുണ്ട്. പാകിസ്താന് ഇന്റര്നാഷ്ണല് എയര്ലൈന്സ് എന്നതിന്റെ ചുരുക്കപ്പേരാണ് ഇത്.
കഴിഞ്ഞ ദിവസം വൈകിട്ടായിരുന്നു ബലൂൺ നാട്ടുകാരുടെ കണ്ണിൽ പെട്ടത്. ഗ്രാമവാസികള് വിവരം അറിയിച്ചതോടെ സ്ഥലത്തെത്തിയ പൊലീസ് അന്വേഷണം ആരംഭിച്ചു. സംഭവത്തിന് പിന്നിൽ അട്ടിമറി ഉണ്ടോ എന്ന് അന്വേഷിക്കുന്നുണ്ട്. വെള്ളയും പച്ചയും നിറത്തിലുള്ള ബലൂണാണ് വന്നു വീണിരിക്കുന്നത്.
ബലൂണിന്റെ ചിത്രം സാമൂഹിക മാധ്യമങ്ങളിൽ പ്രചരിക്കുന്നുണ്ട്. മേഖലയിൽ ഇതിന് മുൻപ് പാക് ഡ്രോണുകൾ കണ്ടെത്തിയിരുന്നു. സംഭവത്തെ തുടർന്ന് സൈന്യവും പൊലീസും ജാഗ്രതയിലാണ്.
