കോഴിക്കോട്: സ്വാശ്രയ മെഡിക്കല്‍ മാനേജ്‌മെന്റുകളുടെ നിയമനം സംബന്ധിച്ച വിവാദത്തിന് എരിവ് പകര്‍ന്ന് എം.ഇ.എസിനെതിരെ രൂക്ഷവിമര്‍ശവുമായി കോണ്‍ഗ്രസ് മുഖപത്രമായ വീക്ഷണത്തിന്റെ എഡിറ്റോറിയല്‍. എംഇഎസ് പ്രസിഡണ്ട് ഫസല്‍ ഗഫൂറിനെതിരെയും വീക്ഷണം രൂക്ഷമായ വിമര്‍ശനം നടത്തുന്നു.
സംഘടനയുടെ ഇപ്പോഴത്തെ ലക്ഷ്യം സമുദായ സമുദ്ധാരണമല്ലന്നും നേതാക്കളുടെ കീശവീര്‍പ്പിക്കലാണെന്നും മുഖപ്രസംഗം പറയുന്നു. 
താഴത്തെട്ടിലുള്ള വിദ്യാര്‍ഥികളെ തഴഞ്ഞ് പണച്ചാക്കുകളുടെ മക്കള്‍ക്ക് സീറ്റു നല്‍കുന്ന സംഘടനെ ചര്‍ച്ചയും ചോദ്യങ്ങളുമില്ലാത്ത, സ്വീകരണ മുറിയില്‍ സൂക്ഷിച്ച ബോണ്‍സായ് വൃക്ഷമായി. ഇടതു പക്ഷത്തുമല്ല, വലതു പക്ഷത്തുമല്ല അവസരവാദ പക്ഷത്താണ് സംഘടനയുടെ മുഖ്യ കാര്‍മികരെന്നും എം.ഇ.എസ് ആസ്ഥാനത്തേക്ക് കഴിഞ്ഞ ദിവസം നടന്ന പ്രകടനം ന്യൂനപക്ഷ സമുദായത്തെ വിറ്റു കാശാക്കുന്നവര്‍ക്കെതിരെയുള്ള താക്കീതാണെന്നും വീക്ഷണം പറയുന്നു.
‘കേരളത്തിലെ ന്യൂനപക്ഷ വിദ്യാഭ്യാസത്തിന്റെ വളര്‍ച്ചയില്‍ മഹത്തായ സംഭാവന നല്‍കിയ പ്രസ്ഥാനമാണ് എം ഇ എസ്. എന്നാല്‍ കഴിഞ്ഞ കുറേ നാളുകളായി ഈ സംഘടനയുടെ ലക്ഷ്യം സമുദായ സമുദ്ധാരണമല്ല; മറിച്ചു നേതൃപദവിയിലിക്കുന്നവരുടെ കീശ വീര്‍പ്പിക്കലാണ്.
സംഘടനയെ ബോണ്‍സായ് വൃക്ഷമാക്കി സ്വീകരണമുറിയിലൊതുക്കി ചര്‍ച്ചയും ചോദ്യങ്ങളും ഇല്ലാത്തവിധം ജഡമാക്കിയിരിക്കയാണ്.
പൊതുവേദിയിലും ചാനല്‍ ചര്‍ച്ചയിലും സാമൂഹിക നീതിക്ക് വേണ്ടി പോരാടുന്ന സംഘടനയുടെ മുഖ്യകാര്‍മികര്‍ സ്വന്തം സമുദായത്തിലെ നിര്‍ധനരായ വിദ്യാര്‍ത്ഥികളുടെ സീറ്റുകള്‍ കവര്‍ന്നെടുത്താണ് പണച്ചാക്കുകളുടെ മക്കള്‍ക്ക് നല്‍കുന്നത്. ഇടത്പക്ഷ സഹയാത്രികനാകാനും അവസരം കിട്ടിയാല്‍ സി പി എം സ്ഥാനാര്‍ത്ഥി
യാകാനും പലവട്ടം ഇടത് ദാസ്യവേല നടത്തിയ ഇവര്‍ ഇടത്പക്ഷത്തുമല്ല; വലത് പക്ഷത്തുമല്ല അവസരവാദ പക്ഷത്താണ്…’
Discussion about this post