‘വേഗം രോഗമുക്തനാകട്ടെ‘; പാകിസ്ഥാൻ പ്രധാനമന്ത്രി ഇമ്രാൻ ഖാന് ആശംസകൾ നേർന്ന് പ്രധാനമന്ത്രി നരേന്ദ്ര മോദി

ഡൽഹി: കൊവിഡ് ബാധിതനായി ചികിത്സയിൽ കഴിയുന്ന പാകിസ്ഥാൻ പ്രധാനമന്ത്രി ഇമ്രാൻ ഖാന് ആശംസകൾ നേർന്ന് പ്രധാനമന്ത്രി നരേന്ദ്ര മോദി. ട്വിറ്ററിലൂടെയാണ് ഇമ്രാൻ ഖാന് പ്രധാനമന്ത്രി ആശംസകൾ നേർന്നത്. ഇമ്രാന്‍ ഖാന്‍ വേഗത്തില്‍ കോവിഡ് മുക്തനാകട്ടെ എന്നായിരുന്നു പ്രധാനമന്ത്രിയുടെ ട്വീറ്റ്.

Best wishes to Prime Minister @ImranKhanPTI for a speedy recovery from COVID-19.

— Narendra Modi (@narendramodi) March 20, 2021

പാകിസ്ഥാൻ പ്രധാനമന്ത്രി ഇമ്രാൻ ഖാന് കൊവിഡ് സ്ഥിരീകരിച്ച വിവരം പാക് ആരോഗ്യ വകുപ്പ് മന്ത്രി ഫൈസൽ സുൽത്താനാണ് ട്വിറ്ററിലൂടെ അറിയിച്ചത്. രോഗം സ്ഥിരീകരിച്ച ഇമ്രാൻ വീട്ടിൽ സ്വയം നിരീക്ഷണത്തിലാണെന്നും പാക് ആരോഗ്യ മന്ത്രി വ്യക്തമാക്കിയിരുന്നു.

രണ്ട് ദിവസം മുൻപായിരുന്നു ഇമ്രാൻ ഖാൻ ചൈനീസ് കൊവിഡ് വാക്സിൻ സിനോഫോമിന്റെ ഒന്നാം ഡോസ് സ്വീകരിച്ചത്. രാജ്യത്തെ ജനങ്ങളെല്ലാം തന്നെ പോലെ വാക്സിൻ എടുക്കണമെന്നും അദ്ദേഹം അഭ്യർത്ഥിച്ചിരുന്നു. രാജ്യത്ത് കൊവിഡ് വ്യാപനം മൂന്നാം ഘട്ടത്തിലേക്ക് കടന്നതായും ജനങ്ങൾ ജാഗ്രത പാലിക്കണമെന്നും ഇമ്രാൻ പറഞ്ഞിരുന്നു.