മുപ്പത് സെക്കന്ഡ് നൃത്തത്തിലൂടെ ആരാധകരുടെ ഹൃദയം കീഴടക്കിയ നവീനും ജാനകിക്കും അഭിനന്ദനവുമായി ബിജെപി വക്താവ് സന്ദീപ് വാര്യര്. ഇരുവരുടെയും മതം പറഞ്ഞുള്ള വലതുപക്ഷ സൈബര് ആക്രമണങ്ങള്ക്കിടെയാണ് സന്ദീപ് വാര്യര് അഭിനന്ദനക്കുറിപ്പുമായി രംഗത്തെത്തിയത്. കലാലയങ്ങളെ മനോഹരങ്ങളാക്കുന്നത് കലകളാണ് എന്നും കൂടുതല് മികച്ച പ്രകടനങ്ങളുമായി ഇരുവര്ക്കും മുന്നോട്ടു വരാന് കഴിയട്ടെ എന്നും സന്ദീപ് പറഞ്ഞു.
സംഗതി പൊരിച്ചൂ ട്ടാ… എന്ന് പറഞ്ഞാണ് ബിജെപി വക്താവ് കുറിപ്പ് അവസാനിപ്പിക്കുന്നത്.
സന്ദീപ് വാര്യറുടെ ഫേസ്ബുക്ക് കുറിപ്പിന്റെ പൂര്ണരൂപം:
തെരഞ്ഞെടുപ്പിന്റെ തിരക്കുകള്ക്ക് ശേഷം സോഷ്യല് മീഡിയയിലേക്ക് തിരിച്ച് വന്നപ്പോള് ഒരുപാട് ഇഷ്ടം തോന്നിയ ഒന്നാണ് ജാനകിയുടെയും നവീന്റെയും ഡാന്സ് വീഡിയോ… പല തവണ ആവര്ത്തിച്ച് കണ്ടിരുന്നു. ജാനകിയുടെ എക്സ്പ്രഷന്സ് അവരുടെ പ്രകടനത്തെ മറ്റൊരു തലത്തിലേക്കെത്തിച്ചു…
അവരുടെ ഒരു ഇന്റര്വ്യൂവില് വെറും രണ്ടു മണിക്കൂര് കൊണ്ടാണ് ഇത് കൊറിയോഗ്രഫി ചെയ്തെടുത്തതെന്നും കണ്ടു.. കലാലയങ്ങളെ മനോഹരങ്ങളാക്കുന്നത് കലകളാണ്. ജാനകി ഓംകുമാറിനും നവീന് റസാഖിനും അഭിനന്ദനങ്ങള്. കൂടുതല് മികച്ച പ്രകടനങ്ങളുമായ് മുന്നോട്ട് വരാന് കഴിയട്ടെ ഇരുവര്ക്കും.
തൃശൂര് മെഡിക്കല് കോളേജിലെ ഗഡീസ് ആയോണ്ട് പറയാണ് .. സംഗതി പൊരിച്ചൂ ട്ടാ ..
Discussion about this post