ശ്രീനഗർ: ഭീകര സംഘടനയായ ലഷ്കർ ഇ ത്വയിബയിലേക്ക് യുവാക്കളെ റിക്രൂട്ട് ചെയ്ത കേസിൽ കശ്മീർ സ്വദേശി അൽത്താഫ് അഹമ്മദ് റാവുത്തറെ എൻ ഐ എ അറസ്റ്റ് ചെയ്തു. ലഷ്കർ ബന്ധമുള്ള താനിയ പർവീൺ എന്ന യുവതിയെ നേരത്തെ പശ്ചിമ ബംഗാളിൽ നിന്നും അറസ്റ്റ് ചെയ്തിരുന്നു. ഈ സംഭവവുമായി ബന്ധപ്പെട്ടാണ് അൽത്താഫ് അഹമ്മദ് റാവുത്തറെ അറസ്റ്റ് ചെയ്തിരിക്കുന്നത്.
ബന്ദിപൊരയിലെ ഒരു സ്കൂളിൽ അധ്യാപകനാണ് അൽത്താഫ് അഹമ്മദ് റാവുത്തർ. താനിയ പർവീൺ ഇയാളുമായി സാമൂഹിക മാധ്യമങ്ങൾ വഴി ബന്ധം സ്ഥാപിച്ചിരുന്നതായി എൻ ഐ എ കണ്ടെത്തിയിരുന്നു.
താനിയയെ പാകിസ്ഥാനിലെ ലഷ്കർ ഭീകരർക്ക് പരിചയപ്പെടുത്തിയത് അൽത്താഫ് ആണെന്ന് എൻ ഐ എ കണ്ടെത്തി. ഇരുവരും പാക് ഭീകരരുമായി ചേർന്ന് രാജ്യത്ത് ജിഹാദ് നടത്താൻ യുവാക്കളെ റിക്രൂട്ട് ചെയ്തിരുന്നതായും എൻ ഐ എ കണ്ടെത്തിയിരുന്നു.
Discussion about this post