തിരുവനന്തപുരം: കോവിഡ് വ്യാപനം രൂക്ഷമാണെങ്കിലും സംസ്ഥാനത്ത് വാരാന്ത്യ ലോക്ഡൗണ് വേണ്ടെന്ന് ചീഫ് സെക്രട്ടറിയുടെ അധ്യക്ഷതയില് ചേര്ന്ന യോഗത്തില് തീരുമാനമായി. ലോക്ഡൗണിലേക്കു പോകേണ്ട സാഹചര്യം നിലവില് ഇല്ലെന്നു യോഗം വിലയിരുത്തി.
ടെസ്റ്റ് പോസിറ്റിവിറ്റി നിരക്ക് ഉയര്ന്ന പഞ്ചായത്തുകളില് എല്ലാ വീടുകളിലും പരിശോധന നടത്താനും തീരുമാനമായി. ജില്ലാ ശരാശരിയെക്കാള് ഇരട്ടിയിലധികം ടെസ്റ്റ് പോസിറ്റിവിറ്റി നിരക്കുള്ള പഞ്ചായത്തുകളിലാകും വീടുകള് തോറുമുള്ള പരിശോധന.
സംസ്ഥാനത്ത് കോവിഡ് പരിശോധന വര്ധിപ്പിക്കും. ടെസ്റ്റ് പോസിറ്റിവിറ്റി നിരക്കു മൂന്നു ശതമാനമായി കുറയ്ക്കുകയാണ് ലക്ഷ്യം. വൈറസ് ജനതികമാറ്റം പഠിക്കാന് ജീനോം പഠനം നടത്താനും തീരുമാനമായി. സംസ്ഥാനത്തെ ഐ.സി.യു, വെന്റിലേറ്റര് സൗകര്യങ്ങള് തൃപ്തികരമാണെന്നു യോഗം വിലയിരുത്തി.
Discussion about this post