ഡല്ഹി: കൊവിഡ് വ്യാപനം അതിരൂക്ഷമായി തുടരുന്ന പശ്ചാത്തലത്തില് ലോക്ഡൗണ് നീട്ടി ഡല്ഹിയും ഉത്തര്പ്രദേശും. ഇരുസംസ്ഥാനങ്ങളിലും 17 വരെ കര്ശന നിയന്ത്രണങ്ങള് തുടരും.
അതേസമയം, തമിഴ്നാട്ടില് നാളെ മുതല് സമ്പൂര്ണ്ണ ലോക്ഡൗണ് നടപ്പാക്കും. മെയ് 24 വരെയാണ് ലോക്ഡൗണ് പ്രഖ്യാപിച്ചിരിക്കുന്നത്. അവശ്യസാധനങ്ങള് വില്ക്കുന്ന കടകള് ഉച്ചയ്ക്ക് 12 മണിവരെ പ്രവര്ത്തിക്കും. അടിയന്തര ആവശ്യക്കാരെ മാത്രമേ തമിഴ്നാട് അതിര്ത്തി വഴി കടത്തിവിടാന് അനുമതിയുള്ളു.
അതേസമയം ലോക് ഡൗണ് പശ്ചാത്തലത്തില് കേരള – തമിഴ്നാട് അിര്ത്തിയില് പരിശോധന ശക്തമാക്കി. കേരളത്തിലേക്ക് ഉള്പ്പടെയുള്ള ട്രെയിന് സര്വ്വീസുകള് അധികവും റദ്ദാക്കി. വിമാന സര്വ്വീസിന് മാറ്റമില്ല. അതേസമയം സിനിമാ സീരിയില് ഷൂട്ടിങ്ങിന് ഉള്പ്പടെ വിലക്കുണ്ട്.
രാജ്യത്ത് പതിനൊന്നിലധികം സംസ്ഥാനങ്ങള് സമ്പൂര്ണമായി അടച്ചിടും. കേരളത്തിന് പുറമേ ഡല്ഹി, യുപി, ഒഡീഷ, ഹരിയാന, ബിഹാര്, രാജസ്ഥാന്, കര്ണാടക, ഝാര്ഖണ്ഡ്, ഛത്തീസ്ഗഡ് സംസ്ഥാനങ്ങള് നേരത്തെ ലോക്ഡൗണ് പ്രഖ്യാപിച്ചിരുന്നു. ഇതിനു പുറമേ പത്തോളം സംസ്ഥാനങ്ങളില് രാത്രികാല, വാരാന്ത്യ കര്ഫ്യൂവും നിലനില്ക്കുന്നുണ്ട്.
കര്ണാടകയും മെയ് 10 മുതല് 24 വരെ ലോക്ഡൗണ് പ്രഖ്യാപിച്ചിട്ടുണ്ട്. അവശ്യ സാധനങ്ങള് വില്ക്കുന്ന കടകള് രാവിലെ 6 മുതല് 10വരെ മാത്രമേ തുറക്കുകയുള്ളൂ, എന്നാല് വാഹനങ്ങളില് കടകളില് പോകാന് അനുവദിക്കില്ല. നടന്നുതന്നെ പോകണം എന്നാണ് നിലവിലെ വ്യവസ്ഥ.
Discussion about this post