‘കൊവിഡ് സാഹചര്യം വിലയിരുത്താൻ സർവ്വകക്ഷി യോ​ഗം വിളിക്കണം; കൊവിഡ് കേസുകളുടെ വർധനവ് നേരിടാൻ ആറ് നിർദ്ദേശങ്ങൾ മുന്നോട്ട് വച്ച് പ്രധാനമന്ത്രിക്കും വെങ്കയ്യ നായിഡുവിനും കത്തെഴുതി മല്ലികാർജുൻ ഖാർഗെ

പ്രധാനമന്ത്രി നരേന്ദ്ര മോദിക്കും രാജ്യസഭാ ചെയർമാൻ എം വെങ്കയ്യ നായിഡുവിനും കത്തെഴുതി രാജ്യസഭയിലെ പ്രതിപക്ഷ നേതാവ് മല്ലികാർജുൻ ഖാർഗെ. രാജ്യത്തെ കൊവിഡ് -19 സാഹചര്യം ചർച്ച ചെയ്യാൻ പാർലമെന്റ് സ്റ്റാൻഡിംഗ് കമ്മിറ്റികളുടെ സർവ്വകക്ഷി യോ​ഗങ്ങളും വെർച്വൽ മീറ്റിംഗുകളും വിളിക്കാൻ കത്തിൽ നിർദ്ദേശിച്ചു.

കോവിഡ് -19 കേസുകളുടെ എണ്ണത്തിൽ വർധനവ് നേരിടാൻ ആറ് നിർദ്ദേശങ്ങളും ഖാർ​ഗെ മുന്നോട്ടുവച്ചു.

എല്ലാവർക്കും സൗജന്യ വാക്സിൻ ഉറപ്പാക്കാൻ കേന്ദ്ര ബജറ്റിൽ അനുവദിച്ച 35,000 കോടി രൂപ ഉപയോഗിക്കുക. വാക്സിനുകളുടെ ഉത്പാദനം വർദ്ധിപ്പിക്കുന്നതിന് നിർബന്ധിത ലൈസൻസിംഗ് നൽകുക, ”എന്നും കത്തിൽ പറയുന്നു.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ (എംഎൻ‌ആർ‌ഇ‌ജി‌എ) വ്യാപ്തി 200 ദിവസമാക്കി ഉയർത്താനും അദ്ദേഹം നിർദ്ദേശിച്ചു.

“ദുരിതാശ്വാസ സാമഗ്രികളുടെ വിതരണം ത്വരിതപ്പെടുത്തുകയും അത് എവിടെയാണ് കയറ്റിയതെന്ന് മുൻ‌കൂട്ടി വെളിപ്പെടുത്തുകയും സമ്മതത്തോടെയും സമഗ്രമായും ഭരിക്കുന്നതിലൂടെ കൂട്ടായ കരുത്ത് വർധിപ്പിക്കുകയുെ ചെയ്യുക,” കത്തിൽ കൂട്ടിച്ചേർത്തു.

കോവിഡ് -19 സ്ഥിതിഗതികൾ ചർച്ച ചെയ്യുന്നതിനായി കോൺഗ്രസ് ഇടക്കാല പ്രസിഡന്റ് സോണിയ ഗാന്ധിയും ഓൾ പാർട്ടി യോഗവും ആരോഗ്യ പാർലമെന്റ് സാൻഡിംഗ് കമ്മിറ്റിയും യോഗം വിളിച്ചിരുന്നു.

അതേസമയം കഴിഞ്ഞ 24 മണിക്കൂറിനുള്ളിൽ 4,03,738 പുതിയ കൊവിഡ് കേസുകൾ റിപ്പോർട്ട് ചെയ്ത ഇന്ത്യ‌യിൽ നാലാം ദിവസവും ദിവസേന നാല് ലക്ഷത്തിലധികം കൊറോണ വൈറസ് അണുബാധകൾ റിപ്പോർട്ട് ചെയ്തു.

ഇതോടെ ദേശീയ അണുബാധ 2,22,96,414 ആയി ഉയർന്നതായി കേന്ദ്ര ആരോഗ്യ മന്ത്രാലയം ഞായറാഴ്ച രാവിലെ അറിയിച്ചു.