തിരുവനന്തപുരം: ഇടതു മുന്നണി യോഗത്തില് മുഖ്യമന്ത്രി പിണറായി വിജയനും നേതാക്കളും കേക്ക് മുറിച്ച് ആഘോഷിച്ച ചിത്രം പുറത്തുവന്നതിനു പിന്നാലെ സമൂഹമാധ്യമങ്ങളില് വൻ വിമര്ശനം. ട്രിപ്പിള് ലോക്ക്ഡൗണ് നിലനില്ക്കുന്ന തിരുവനന്തപുരത്ത് സാമൂഹിക അകലം പാലിക്കാതെയാണ് കേക്ക് മുറിയെന്നാണ് വിമര്ശനം.
എല്ഡിഎഫിന്റെ തുടര്ഭരണത്തില് എകെജി സെന്ററിലാണ് വിജയാഘോഷം നടന്നത്. വിവിധ ഘടകകക്ഷി നേതാക്കളുടെ സാന്നിധ്യത്തിലായിരുന്നു മുഖ്യമന്ത്രി കേക്ക് മുറിച്ചത്.
സിപിഐ സംസ്ഥാന സെക്രട്ടറി കാനം രാജേന്ദ്രന് ഉള്പ്പെടെയുള്ളവര് ഇതിന്റെ ചിത്രവും ഫേസ്ബുക്കില് പങ്കുവച്ചിരുന്നു. രാവിലെ ആള്ക്കൂട്ട കേക്ക് മുറി, വൈകിട്ട് കോവിഡ് സാരോപദേശം എന്നാണ് സമൂഹമാധ്യമങ്ങളില് ഒരാള് ഇതിനെക്കുറിച്ച് കമന്റിട്ടത്.
Discussion about this post