ഡൽഹി: രാജ്യത്ത് കൊവിഡ് വ്യാപനം കുറയുന്നു. ഈ സാഹചര്യത്തിൽ നിലവിലെ സ്ഥിതിഗതികൾ വിലയിരുത്താൻ പ്രധാനമന്ത്രി നരേന്ദ്ര മോദി ഇന്ന് ഉദ്യോഗസ്ഥരുമായി ചർച്ച നടത്തും. ഗ്രാമീണ മേഖലകളിലെ സ്ഥിതിഗതികൾ വിലയിരുത്താൻ അദ്ദേഹം ഇന്ന് ജില്ലാ കളക്ടർമാരുമായി സംസാരിക്കും.
വിവിധ സംസ്ഥാന മുഖ്യമന്ത്രിമാരും ചര്ച്ചയില് പങ്കെടുത്തേക്കും. രണ്ടാം തരംഗത്തില് ഗ്രാമീണ മേഖലയിലെ തീവ്ര വ്യാപനത്തില് പ്രാദേശിക നിയന്ത്രണങ്ങള് കൂടുതല് കടുപ്പിക്കണമെന്ന് പ്രധാനമന്ത്രി നിര്ദ്ദേശിച്ചിരുന്നു. വീടുകൾ തോറും നിരീക്ഷണവും രോഗ നിര്ണ്ണയവും കാര്യക്ഷമമായി നടത്താന് അങ്കണവാടി, ആശ വര്ക്കര്മാരെ പ്രതിരോധ പ്രവര്ത്തനങ്ങളുടെ ഭാഗമാക്കണമെന്നും പ്രധാനമന്ത്രി ആവശ്യപ്പെട്ടിരുന്നു.
രാജ്യത്ത് കൊവിഡ് വ്യാപനം കുറയുന്നത് നിയന്ത്രണങ്ങൾ ഫലപ്രദമാകുന്നതിന്റെ ലക്ഷണമാണ് എന്ന് പൊതുവിൽ വിലയിരുത്തലുണ്ട്. പ്രതിദിന കൊവിഡ് കേസുകള് 25 ദിവസത്തിനിടെ ആദ്യമായി ഇന്നലെ 3 ലക്ഷത്തിന് താഴെയായിരുന്നു.
Discussion about this post