ഡൽഹി: ലോകത്ത് എവിടെ നിന്നും ഇന്ത്യക്ക് ആവശ്യമായ മരുന്നുകൾ സംഘടിപ്പിക്കാൻ വിവിധ മന്ത്രാലയങ്ങൾക്ക് നിർദ്ദേശം നൽകി പ്രധാനമന്ത്രി നരേന്ദ്ര മോദി. പ്രധാനമന്ത്രിയുടെ ആഹ്വാന പ്രകാരം മരുന്ന ലഭ്യമാക്കാൻ വിവിധ മന്ത്രാലയങ്ങൾ കൂട്ടായ യത്നം ആരംഭിച്ചു. ഇതിന്റെ ഫലമായി ബ്ലാക്ക് ഫംഗസ് രോഗബാധയുടെ ചികിത്സയ്ക്ക് ഉപയോഗിക്കുന്ന ഒരു മില്ല്യൺ ആംഫോടെറിസിൻ മരുന്നുകൾ അമേരിക്കയിൽ നിന്നും ഇന്ത്യയിലെത്തിക്കാൻ ധാരണയായി.
അമേരിക്കൻ ഔഷധ കമ്പനിയായ ഗിലിയഡ് സയൻസസുമായി ചേർന്നാണ് മരുന്നുകൾ ഇന്ത്യയിൽ എത്തിക്കുക. കമ്പനി യുദ്ധകാലാടിസ്ഥാനത്തിൽ 1,21,000 ഡോസ് ഇൻജക്ഷനുകൾ ഇന്ത്യയിലേക്ക് അയച്ചു കഴിഞ്ഞു. 85,000 ഡോസുകൾ കൂടി ഉടൻ ഇന്ത്യയിൽ എത്തിക്കും.
കൂടാതെ ആംഫോടെറിസിൻ ഇന്ത്യയിൽ ഉദ്പാദിപ്പിക്കാനുള്ള പദ്ധതികൾക്കും കേന്ദ്ര സർക്കാർ രൂപം നൽകി. ഇതിനായുള്ള നടപടികളും യുദ്ധകാലാടിസ്ഥാനത്തിൽ ആരംഭിക്കാൻ പ്രധാനമന്ത്രി നരേന്ദ്ര മോദി നിർദ്ദേശം നൽകി.
