തിരുവനന്തപുരം: സംസ്ഥാനത്ത് ഒരാഴ്ച കൂടി ലോക്ക്ഡൗണ് നീട്ടിയേക്കും. ഇന്ന് ചേരുന്ന കോവിഡ് അവലോകന യോഗത്തില് ഇതു സംബന്ധിച്ച തീരുമാനം ഉണ്ടായേക്കും. ടെസ്റ്റ് പോസിറ്റിവിറ്റി നിരക്ക് പത്തില് താഴെ എത്തിയാലെ നിയന്ത്രണങ്ങള് ഇളവുചെയ്യാവൂ എന്നാണ് കേന്ദ്രസര്ക്കാര് നല്കിയിരിക്കുന്ന നിര്ദേശം. കഴിഞ്ഞ 24 മണിക്കൂറിലെ ടി പി ആര് 16.4 ആണ്.
നേരത്തെ ട്രിപ്പിള്ലോക്ക് ഡൗണ് ഏര്പ്പെടുത്തിയ നാല് ജില്ലകളിലും ടി പി ആര് കൂടുതലാണ്. ഘട്ടം ഘട്ടമായി ലോക്ക്ഡൗണില് ഇളവുകള് നല്കാനാണ് സാധ്യത. തീവ്രരോഗവ്യാപനം വന്നതിനാല് അതീവ ശ്രദ്ധയോടെയാണ് സര്ക്കാര് ഇക്കാര്യത്തെ സമീപിക്കുന്നത്.
അതേസമയം വിദ്യാഭ്യാസസ്ഥാപനങ്ങളില് ജൂണ് ഒന്നുമുതല് ഓണ്ലൈന് ക്ലാസുകള് ആരംഭിക്കുന്നതിനാല് കൂടുതല് ഇളവുകള് നല്കിയേക്കും. സ്കൂള്, കോളേജ് വിദ്യാര്ഥികള്ക്ക് നോട്ട്ബുക്കുകളും മറ്റ് പഠന സാമഗ്രികളും വില്ക്കുന്ന കടകള് തുറക്കാന് അനുമതി നല്കിയേക്കും. അതോടൊപ്പം വിവിധ പരീക്ഷകളുടെ മൂല്യനിര്ണയം ആരംഭിക്കുന്നതിനാല് നിയന്ത്രണങ്ങളോടെയെങ്കിലും പൊതുഗതാഗതത്തിനും അനുമതി നല്കേണ്ടിവരും.
Discussion about this post