ഡൽഹി: കൊവിഡ് കാലത്ത് അതുല്യ ദൗത്യവുമായി ഇന്ത്യൻ റെയിൽവേ. രാജ്യത്ത് രണ്ടാം തരംഗ വ്യാപനം ശക്തമായിരുന്ന നാളുകളിൽ ഓക്സിജൻ എക്സ്പ്രസുകൾ വഴി ഇന്ത്യൻ റെയിൽവേ വിതരണം ചെയ്തത് ഇരുപതിനായിരം മെട്രിക് ടൺ ഓക്സിജനാണെന്ന് കേന്ദ്ര റെയിൽവേ മന്ത്രി പിയൂഷ് ഗോയൽ അറിയിച്ചു.
ഇതുവരെ 300 ഓക്സിജൻ എക്സ്പ്രസ് ട്രെയിനുകൾ ദൗത്യത്തിന്റെ ഭാഗമായി. കേരളം, മഹാരാഷ്ട്ര, ഡൽഹി, ഉത്തർ പ്രദേശ്, പഞ്ചാബ്, ഹരിയാന, കർണാടക, തമിഴ്നാട്, മധ്യപ്രദേശ്, തെലങ്കാന, രാജസ്ഥാൻ, ഉത്തരാഖണ്ഡ്, ആന്ധ്രാപ്രദേശ്, അസം തുടങ്ങിയ സംസ്ഥാനങ്ങളിലാണ് ഓക്സിജൻ എക്സ്പ്രസുകൾ പ്രാണവായു എത്തിച്ചതെന്നും കേന്ദ്ര മന്ത്രി അറിയിച്ചു.
പരമാവധി വേഗത്തിൽ ഓക്സിജൻ എത്തിക്കുക എന്ന ദൗത്യം ഏറ്റെടുത്ത ഓക്സിജൻ എക്സ്പ്രസുകൾ സമയം ലാഭിക്കാൻ വേണ്ടി ഒരു മിനിറ്റിൽ താഴെ സമയം മാത്രമാണ് ഓരോ യാത്രകളിലും വിശ്രമിക്കാൻ എടുത്തത്.
Discussion about this post