കൊല്ക്കത്ത: കേന്ദ്രം തിരിച്ചു വിളിച്ച പശ്ചിമ ബംഗാള് ചീഫ് സെക്രട്ടറി ആലാപന് ബന്ദോപാദ്ധ്യ മുഖ്യ ഉപദേഷ്ടാവ് നിയമിക്കുമെന്ന് മമത ബാനര്ജി. ആലാപന് ബന്ദോപാധ്യായ ചീഫ് സെക്രട്ടറി സ്ഥാനത്തു നിന്ന് വിരമിച്ചുവെന്നും അദ്ദേഹം ഇനി തന്റെ മുഖ്യ ഉപദേഷ്ടാവ് ആയിരിക്കുമെന്നും വ്യക്തമാക്കി മമത രംഗത്ത് വന്നു. ബംഗാള് ചീഫ് സെക്രട്ടറിയെ ഡല്ഹിക്ക് അയക്കില്ലെന്ന് വ്യക്തമാക്കിക്കൊണ്ട് പ്രധാനമന്ത്രി നരേന്ദ്രമോദിക്ക് കത്തയച്ചതിന് പിന്നാലെയാണ് മമതയുടെ പ്രഖ്യാപനം.
പ്രധാനമന്ത്രിയുടെ അദ്ധ്യക്ഷതയില് ബംഗാളില് നടന്ന അവലോകന യോഗത്തില് നിന്ന് മമതയും ചീഫ് സെക്രട്ടറിയുള്പ്പെടെ ബംഗാള് സര്ക്കാരിന്റെ പ്രതിനിധികളാരും പങ്കെടുത്തില്ല.
ഇതിന് പിന്നാലെ ചീഫ് സെക്രട്ടറിയെ കേന്ദ്ര സര്വീസിലേക്ക് തിരിച്ച് വിളിക്കുകയായിരുന്നു. കേന്ദ്ര സര്വീസിലേക്ക് തിരികെ വിളിച്ച ചീഫ് സെക്രട്ടറി ആലാപന് ബന്ധോപാധ്യായെ ഉടന് വിട്ടുനല്കാനാകില്ലെന്ന് വ്യക്തമാക്കി മമതാ ബാനര്ജി പ്രധാനമന്ത്രിക്ക് ഇന്ന് കത്ത് അയച്ചിരുന്നു.
Discussion about this post