ഡൽഹി: ഇന്ത്യയിൽ വാക്സിൻ ക്ഷാമമെന്ന പ്രചാരണം അസ്ഥാനത്താക്കി കണക്കുകൾ പുറത്ത്. രാജ്യത്ത് ഇതുവരെ 24 കോടിയിലധികം വാക്സിന് ഡോസുകള് സൗജന്യമായും സംസ്ഥാനങ്ങള് നേരിട്ട് സംഭരിക്കുന്നത് വഴിയും സംസ്ഥാന-കേന്ദ്രഭരണപ്രദേശങ്ങള്ക്ക് നല്കാനായിട്ടുണ്ടെന്ന് കേന്ദ്ര ആരോഗ്യ മന്ത്രാലയം അറിയിച്ചു. 1.63 കോടി കോവിഡ് വാക്സിന് ഡോസുകള് സംസ്ഥാനങ്ങളുടെ പക്കല് വിതരണം ചെയ്യുന്നതിനായി ശേഷിക്കുന്നുവെന്നും മന്ത്രാലയം വ്യക്തമാക്കി.
32,42,503 ഘട്ടങ്ങളിലായി ആകെ 23,13,22,413 വാക്സിന് ഡോസുകള് രാജ്യത്ത് ഇതുവരെ വിതരണം ചെയ്തിട്ടുണ്ടെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. ഇതില് പാഴാക്കിയതുള്പ്പടെ 22,96,95,199 ഡോസ് ഉപയോഗിച്ചുവെന്നും കണക്കുകൾ വ്യക്തമാക്കുന്നു.
അതേസമയം രാജ്യം കൊവിഡ് ബാധയുടെ രണ്ടാം തരംഗത്തിൽ നിന്നും കരകയറുന്നതായും പ്രതിദിന രോഗബാധാ നിരക്കും മരണ നിരക്കും രാജ്യത്ത് ദിനംപ്രതി കുറഞ്ഞു വരുന്നതായും ആരോഗ്യ മന്ത്രാലയം വ്യക്തമാക്കുന്നു. കഴിഞ്ഞ 24 മണിക്കൂറിൽ രാജ്യത്ത് റിപ്പോര്ട്ട് ചെയ്തത് 1,14,460 പുതിയ കോവിഡ് കേസുകളാണ്. രണ്ട് മാസത്തിനിടെ രേഖപ്പെടുത്തുന്ന ഏറ്റവും കുറഞ്ഞ കോവിഡ് നിരക്കാണിത്.
Discussion about this post