ആലപ്പുഴ: ആലപ്പുഴയില് വളളിക്കുന്നത്ത് പത്തൊമ്പതുകാരി തൂങ്ങിമരിച്ച നിലയില്. വിഷ്ണുവിന്റെ ഭാര്യ സുചിത്രയാണ് മരിച്ചത്. മുറിക്കുളളില് തൂങ്ങിമരിക്കുകയായിരുന്നു. മൂന്ന് മാസം മുമ്പായിരുന്നു വിവാഹം.
രാവിലെ പതിനൊന്നരയോടെയാണ് സുചിത്രയെ മരിച്ച നിലയില് മുറിയ്ക്കുള്ളില് കണ്ടെത്തിയതെന്നാണ് ഭര്തൃമാതാവ് നാട്ടുകാരോട് പറഞ്ഞത്. തുടര്ന്ന് തൊട്ടടുത്തുള്ളവരെയെല്ലാം വിളിച്ച് വരുത്തിയ ശേഷം ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തില് വള്ളികുന്നം പൊലീസ് കേസെടുത്ത് അന്വേഷണം ആരംഭിച്ചു.
സുചിത്രയുടെ മരണത്തിന് പിന്നിലെ കാരണം എന്താണെന്ന് വിശദമായി പരിശോധിച്ച ശേഷം മാത്രമേ പറയാനാകൂവെന്ന് പൊലീസ് അറിയിച്ചു. സംഭവസമയത്ത് സുചിത്രയുടെ ഭര്തൃമാതാവും പിതാവും മാത്രമാണ് വീട്ടിലുണ്ടായിരുന്നത്.
സൈനികനായ വിഷ്ണു നിലവില് ഉത്തരാഖണ്ഡിലാണ് ഉള്ളത്. അടുത്തിടെയാണ് വിവാഹത്തിന്റെ ലീവ് കഴിഞ്ഞ ശേഷം സൈനികനായ വിഷ്ണു തിരികെ ഡ്യൂട്ടിയില് പ്രവേശിച്ചത്.
Discussion about this post