ഡൽഹി: മമത ബാനർജിയുടെ തൃണമൂൽ കോൺഗ്രസ് സർക്കാർ കൊണ്ടു വന്ന വാക്സിൻ വിതരണ പ്ലാറ്റ്ഫോമായ ബെൻവാക്സിന് കേന്ദ്ര സർക്കാർ അംഗീകാരമില്ലെന്ന് കേന്ദ്ര ആരോഗ്യ മന്ത്രി ഡോക്ടർ ഹർഷവർദ്ധൻ. വാക്സിൻ വിതരണത്തിൽ എന്തെങ്കിലും പാളിച്ചയുണ്ടായാൽ ഉത്തരവാദിത്വം മമത ഏറ്റെടുക്കേണ്ടി വരുമെന്നും അദ്ദേഹം പറഞ്ഞു.
സ്വന്തം നിലയ്ക്ക് വാക്സിൻ പ്ലാറ്റ്ഫോം ഉണ്ടാക്കിയ മമതയുടെ നടപടി രാജ്യത്തെ വാക്സിൻ വിതരണ പദ്ധതിയെ അട്ടിമറിക്കും. ഒരു വ്യക്തിയുടെ അഹന്ത ഒരു സമൂഹത്തിനാകെ അപകടകരമാകുന്ന അവസ്ഥയാണ് ബംഗാളിൽ നിലവിലുള്ളതെന്നും ധാർഷ്ട്യത്തിന് വേണ്ടി ജനങ്ങളുടെ ജീവൻ വെച്ച് പന്താടാൻ ആരെയും അനുവദിക്കില്ലെന്നും കേന്ദ്ര ആരോഗ്യ മന്ത്രി അറിയിച്ചു.
മമതയുടെ നടപടിയെ കാട്ടു നിയമം എന്നാണ് ഹർഷവർദ്ധൻ വിശേഷിപ്പിച്ചത്. അന്താരാഷ്ട്രം അംഗീകാരമുള്ള കൊവിൻ സർട്ടിഫിക്കറ്റിന് പകരം മമതയുടെ ഫോട്ടോ പതിപ്പിച്ച ബെൻവാക്സ് സർട്ടിഫിക്കറ്റുമായി വിദേശങ്ങളിൽ യാത്ര ചെയ്താൽ ബംഗാളിലെ ജനങ്ങൾക്ക് പ്രശ്നമുണ്ടായേക്കാമെന്നും അദ്ദേഹം മുന്നറിയിപ്പ് നൽകി.
Discussion about this post