കൊളംബോ: മൂന്ന് ശ്രീലങ്കന്‍ താരങ്ങള്‍ക്ക് കൂടി കോവിഡ് സ്ഥിരീകരിച്ചു. തുടർന്ന് ഇന്ത്യ-ശ്രീലങ്ക പരമ്പരയുടെ പുതിയ തിയതി പ്രഖ്യാപിച്ചു. ഈ മാസം 13നായിരുന്നു ഏകദിന പരമ്പര ആരംഭിക്കേണ്ടിരുന്നത്. പുതുക്കിയ തിയതി പ്രകാരം 18നായിരിക്കും ആദ്യ ഏകദിനമെന്ന് ബിസിസിഐ അറിയിച്ചു.
പുതുക്കിയ തിയതി അനുസരിച്ച്‌ ഏകദിനങ്ങള്‍ 18, 20, 23 തിയതികളിലായിരിക്കും നടക്കുക. ടി20 മത്സരങ്ങള്‍ 25, 27, 29 തിയതികളിലായും നടക്കും.
ലങ്കന്‍ ബാറ്റിംഗ് കോച്ച്‌ ഗ്രാന്‍ഡ് ഫ്ലവറിന് കോവിഡ് സ്ഥിരീകരിച്ചതിന് പിന്നാലെ ടീമിലെ മറ്റൊരു സപ്പോര്‍ട്ട് സ്റ്റാഫിനും കോവിഡ് സ്ഥിരീകരിക്കുകയായിരുന്നു. ഇതോടെ ടീമിന്റെ ഐസൊലേഷന്‍ കാലാവധിയും നീട്ടുകയായിരുന്നു.
Discussion about this post