ശ്രീനഗർ: ജമ്മു കശ്മീരിലെ അനന്ത്നാഗ് ജില്ലയിലെ കാരിഗാം, റാണിപൊര മേഖലയിൽ നടന്ന ഏറ്റുമുട്ടലിൽ രണ്ട് ഭീകരർ കൊല്ലപ്പെട്ടു. പോലീസും സൈന്യവും സംയുക്തമായി പ്രദേശത്ത് തിരച്ചിൽ നടത്തുന്നതിനിടെ ഭീകരർ വെടിയുതിർക്കുകയായിരുന്നു. തുടർന്ന് സൈന്യം നടത്തിയ പ്രത്യാക്രമണത്തിലാണ് ഭീകരർ കൊല്ലപ്പെട്ടത്.
രജൗറി ജില്ലയിലെ ദാദല്‍ മേഖലയില്‍ കഴിഞ്ഞ ദിവസമുണ്ടായ ഏറ്റുമുട്ടലില്‍ രണ്ട് പാകിസ്താന്‍ തീവ്രവാദികളെ സൈന്യം വധിച്ചിരുന്നു. ഇവരിൽ നിന്നും സ്ഫോടക വസ്തുക്കളും പിടികൂടിയിരുന്നു. മലയാളിയായ നായിക് സുബേദാര്‍ എം. ശ്രീജിത്ത്, ശിപായി ജസ്വന്ത് റെഡ്ഡി എന്നിവര്‍ ഏറ്റുമുട്ടലിൽ വീരമൃത്യു വരിച്ചിരുന്നു.
കൊല്ലപ്പെട്ട ഭീകരരെ തിരിച്ചറിഞ്ഞിട്ടില്ലെന്നും സൈന്യം വ്യക്തമാക്കി. പ്രദേശത്ത് ഇപ്പോഴും ഏറ്റുമുട്ടൽ തുടരുകയാണ്
Discussion about this post