ശ്രീനഗർ: ഇന്ത്യയിൽ ഭീകരാക്രമണം നടത്താൻ ഗൂഢാലോചന നടത്തിയ ഇസ്ലാമിക് സ്റ്റേറ്റ് ഭീകരർ പിടിയിൽ. ജമ്മു കശ്മീരിൽ നിന്നാണ് ഇവർ പിടിയിലായിരിക്കുന്നത്. ഉസ്മർ നിസാർ, തൻവീർ അഹമ്മദ് ഭട്ട്, റമീസ് അഹമ്മദ് ലോൺ എന്നിവരാണ് എൻ ഐ എയുടെ കസ്റ്റഡിയിലായത്.
രഹസ്യവിരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ഭീകരരെ പിടികൂടിയത്. പിടിയിലായ ഭീകരർ ഭീകര സംഘടനയിലേക്ക് യുവാക്കളെ റിക്രൂട്ട് ചെയ്യുന്ന സംഘത്തിലെ പ്രധാന കണ്ണികളാണ്. കശ്മീരിലെ അനന്തനാഗ് ജില്ലയിൽ നിന്നുമാണ് ഇവരെ പിടികൂടിയത്.
ജമ്മു കശ്മീരിലെ വിവിധ മേഖലകളിൽ ഇസ്ലാമിക് സ്റ്റേറ്റ് രഹസ്യമായി പ്രവർത്തിച്ചുവരുന്നുണ്ടെന്ന് എൻഐഎ അറിയിച്ചു. പിടിയിലായ ഭീകരരുടെ പക്കൽ നിന്നും നിരവധി രാജ്യവിരുദ്ധ രേഖകളും ഇലക്ട്രോണിക് ഉപകരണങ്ങളും കണ്ടെടുത്തു. ഓൺലൈനിലൂടെ ഭീകര സംഘടനയുടെ ആശയങ്ങൾ പ്രചരിപ്പിച്ചാണ് ഇവർ യുവാക്കളെ ആകർഷിച്ചിരുന്നതെന്നും എൻ ഐ എ അറിയിച്ചു.
Discussion about this post