വിംബിള്‍ഡണ്‍ ചാംപ്യനും 20 ഗ്രാന്റ്‌സ്‌ളാം ജേതാവുമായ ടെന്നീസ് ഇതിഹാസം നോവാക്ക് ജോക്കോവിന്റെ വിജയ മന്ത്രമായി താരം വെളിപ്പെടുത്തിയ യോഗയും ധ്യാനവുമെല്ലാമാണ് ഇപ്പോള്‍ സാമൂഹ്യമാധ്യമങ്ങളില്‍ വൈറലായിരിക്കുകയാണ്.
2018 ലായിരുന്നു ജോക്കോവിക്ക് യോഗയും ഹിന്ദുത്വവും കടുത്ത രീതിയില്‍ പിന്തുടരുന്നയാള്‍ കൂടിയാണെന്ന കാര്യം പുറത്തുവന്നത്. 2018 ആഗസ്റ്റില്‍ കുട്ടികളുമായി കളിക്കുന്നതിന്റെ താരം പോസ്റ്റു ചെയ്ത ഒരു ചിത്രത്തില്‍ എതിര്‍വശത്തെ ഭിത്തിയില്‍ ഒരു കൃഷ്ണന്റെ ഛായാചിത്രം കാണാമായിരുന്നു. ഇക്കാര്യം അനേകം ഇന്ത്യന്‍ ആരാധകരാണ് സാമൂഹ്യമാധ്യമങ്ങളില്‍ ചൂണ്ടിക്കാട്ടിയത്.
ഈ വര്‍ഷം മൂന്ന് ഗ്രാന്റ്‌സ്‌ളാം നേടിയ താരത്തിന് ഒളിമ്ബിക്‌സില്‍ സ്വര്‍ണ്ണമെഡലും അതിന് പിന്നാലെ യുഎസ് ഓപ്പണും കൂടി നേടാനായാല്‍ ഈ വര്‍ഷം തന്നെ ഗോള്‍ഡന്‍ സ്‌ളാം നേടാനുള്ള അവസരമാണ് തൊട്ടുമുന്നിലുള്ളത്.
വിംബിള്‍ഡന്‍ കാലത്ത് ബുദ്ധപദിത ക്ഷേത്രത്തില്‍ അതിന്റെ കോംപ്ലക്‌സില്‍ ബുദ്ധ സന്യാസിമാര്‍ക്കൊപ്പം ഇരുന്ന് ദിവസവും ഒരു മണിക്കൂര്‍ ധ്യാനം ചെയ്യുമായിരുന്നു എന്ന് നേരത്തേ ജോക്കോവിക്ക് പറഞ്ഞതായി റിപ്പോര്‍ട്ടുകള്‍ പുറത്തുവന്നിരുന്നു. ഇദ്ദേഹത്തിന് ഒരു ആത്മീയഗുരു ഉണ്ടെന്നും ഓരോ പ്രധാന ടൂര്‍ണമെന്റുകള്‍ക്കും മുമ്പ് അദ്ദേഹം മാര്‍ഗ്ഗനിര്‍ദേശം നല്‍കുമെന്നും ആണ് വിവരം. അടുത്തിടെ ഉയര്‍ന്ന മനശ്ശാസ്ത്ര വിദഗ്ദ്ധരും മോട്ടിവേഷണല്‍ സ്പീക്കേഴ്‌സായ സുഹൃത്തുക്കളുമായി താരം ഇന്‍സ്റ്റാഗ്രാം വഴി ലൈവ് ചാറ്റ് നടത്തിയത് വാര്‍ത്തയായിരുന്നു.
പുലര്‍ച്ചെ തന്നെ എഴുന്നേല്‍ക്കുന്ന ജോക്കോവിക്ക് യോഗയും തായ്ചിയും 20 മിനിറ്റ് ധ്യാനവും ദിനചര്യയുടെ ഭാഗമാക്കി മാറ്റിയിരിക്കുന്ന കാര്യമാണെന്ന് ന്യൂയോര്‍ക്ക് ടൈംസ് റിപ്പോര്‍ട്ട ചെയ്തിരുന്നു. കഴിഞ്ഞ ഞായറാഴ്ച തുടര്‍ച്ചയായി മൂന്നാം വിംബിള്‍ഡണ്‍ നേടിയ ജോക്കോവിക്ക് പക്ഷേ ടോക്കിയോ ഒളിംപിക്സിന് പങ്കെടുക്കുമോ എന്ന് വ്യക്തമാക്കിയിട്ടില്ല. ഇക്കാര്യത്തില്‍ ഇപ്പോള്‍ ഉറപ്പ് പറയാനാകില്ലെന്നാണ് താരത്തിന്റെ നിലപാട്. ഞായറാഴ്ച ആറാം വിംബിള്‍ഡണ്‍ നേടി റോജര്‍ ഫെഡററിനും റാഫേല്‍ നദാലിനും ഒപ്പമായിരിക്കുകയാണ് താരം
Discussion about this post