വിക്കീപീഡിയയെ ആരും വിശ്വസിക്കരുതെന്ന് വിക്കിപീഡിയ സഹ സ്ഥാപകൻ ലാരി സാംഗർ. ലോകത്തിലെ ഏറ്റവും വിശ്വസനീയം എന്ന് കരുതപ്പെടുന്ന വെബ്സൈറ്റുകളിലൊന്നായ വിക്കിപീഡിയയെ ഇപ്പോൾ നിയന്ത്രിക്കുന്നത് തീവ്ര ഇടത് ചിന്താഗതിക്കാരായ വ്യക്തികളാണെന്നും സൈറ്റിൽ വിവരങ്ങൾ എഡിറ്റ് ചെയ്യാൻ ഇവർ ചുമതലപ്പെടുത്തിയിരിക്കുന്നത് തികച്ചും പക്ഷപാതികളായ കൂലിയെഴുത്തുകാരെയാണെന്നും അദ്ദേഹം പറഞ്ഞു. സ്വകാര്യ മാദ്ധ്യമത്തിന് നൽകിയ അഭിമുഖത്തിലായിരുന്നു ലോകത്തിലെ ഏറ്റവും വലിയ അഞ്ചാമത്തെ വെബ്സൈറ്റിന്റെ സഹസ്ഥാപകൻ തന്റെ സ്ഥാപനത്തിന്റെ ഗതികേടിനെ കുറിച്ച് പരിതപിച്ചത്.
അമേരിക്കൻ രാഷ്ട്രീയമായാലും കൊവിഡ് രോഗബാധയായാലും ഇടത്പക്ഷ രാഷ്ട്രീയത്തിന്റെ ആശയങ്ങൾ അന്ധമായി പിന്തുടരുകയാണ് ഇപ്പോൾ വിക്കിപീഡിയ ചെയ്യുന്നതെന്ന് സാംഗർ പറഞ്ഞു. വലത് ചിന്തകന്മാരുടെയും വലത് പക്ഷ മാദ്ധ്യമങ്ങളുടെയും അഭിപ്രായങ്ങളോ നിലപാടുകളോ ഇന്ന് വിക്കിപീഡിയയിൽ കാണാൻ സധിക്കില്ലെന്നും അദ്ദേഹം ചൂണ്ടിക്കാട്ടുന്നു. ബൈഡനെ കുറിച്ചോ ഒബാമയെ കുറിച്ചോ വിമർശനാത്മകമായ് ഒരു ലേഖനം പോലും നിങ്ങൾക്ക് വിക്കിപീഡിയയിൽ വായിക്കാൻ സാധിക്കില്ലെന്നും അദ്ദേഹം ചൂണ്ടിക്കാട്ടുന്നു.
വിജ്ഞാനകോശങ്ങൾ നിഷ്പക്ഷത പാലിക്കണമെന്നും അല്ലാത്ത പക്ഷം വലിയ ബൗദ്ധിക അടിമത്തം സംഭവിക്കുമെന്നും ലാരി സാംഗർ മുന്നറിയിപ്പ് നൽകുന്നു.
Discussion about this post