മുംബൈ: നടിയും ബി.ജെ.പി നേതാവുമായ ഖുശ്ബു സുന്ദറിന്‍റെ ട്വിറ്റര്‍ അക്കൗണ്ട് ഹാക്ക് ചെയ്തു. അക്കൗണ്ടിലെ പ്രൊഫൈല്‍ ചിത്രവും പേരും ഹാക്കര്‍ മാറ്റിയിട്ടുണ്ട്. കഴിഞ്ഞ വര്‍ഷം ഏപ്രിലിലും ഖുശ്ബുവിന്‍റെ ട്വിറ്റര്‍ ഹാക്ക് ചെയ്യപ്പെട്ടിരുന്നു.
ബ്രയാന്‍ എന്നാണ് അക്കൗണ്ടിന്‍റെ പേര് മാറ്റിയിരിക്കുന്നത്. നടിയുടെ മുന്‍ ട്വീറ്റുകള്‍ ഡിലീറ്റ് ചെയ്യുകയും ചെയ്തു.
മൂന്ന് ദിവസം മുമ്പാണ് ഹാക്കിങ് നടന്നതെന്ന് നടി പ്രസ്താവനയില്‍ പറഞ്ഞു. ട്വിറ്റര്‍ അധികൃതരുമായി ബന്ധപ്പെട്ട് അക്കൗണ്ട് തിരിച്ചുപിടിക്കാന്‍ ശ്രമം നടത്തുകയാണ്. കഴിഞ്ഞ ദിവസങ്ങളില്‍ തന്‍റെ അക്കൗണ്ടിലെ ട്വീറ്റുകള്‍ താന്‍ ചെയ്തതല്ലെന്നും ഖുശ്ബു പറഞ്ഞു.
Discussion about this post