പാലക്കാട്: സംസ്ഥാനത്ത് വാക്സിൻ വിതരണം അട്ടിമറിക്കാൻ സിപിഎം നടത്തുന്ന നീക്കം തെളിവ് സഹിതം പുറത്ത്. കോണ്ഗ്രസുകാര്ക്ക് വാക്സിന് നല്കരുതെന്ന സിപിഐഎം വാര്ഡ് അംഗത്തിന്റെ പ്രസ്താവനയാണ് പുറത്തു വന്നിരിക്കുന്നത്. പാലക്കാട് ജില്ലയിലെ കപ്പൂര് പത്താം വാര്ഡ് അംഗം സുജിത ബാലകൃഷ്ണന്റെ സംഭാഷണമാണ് വിവാദമാകുന്നത്.
കോണ്ഗ്രസുകാര്ക്ക് വാക്സിന് നല്കരുതെന്നായിരുന്നു സുജിതയുടെ നിർദേശം. ‘നാലഞ്ച് ആളുകള് വാക്സിനുണ്ടോ എന്ന് ആശാ വര്ക്കറെ വിളിച്ച് അന്വേഷിക്കുന്നുണ്ട്. നാളെ നമുക്കുണ്ട്. രണ്ട് പ്രവാസികള്ക്ക് വിടാം എന്ന് പറഞ്ഞിട്ടുണ്ട്. കോണ്ഗ്രസുകാരായ ആളുകളെ വിളിച്ചിട്ടുണ്ടെങ്കില് വിടാന് ഉദ്ദേശമില്ല.’ എന്നാണ് ശബ്ദ സന്ദേശത്തില് സുജിത പറയുന്നത്.
സംഭാഷണം പുറത്തായതോടെ സുജിതയുടെ രാജി ആവശ്യപ്പെട്ട് കോണ്ഗ്രസ് രംഗത്തെത്തി. എന്നാൽ വാക്സിന് വിതരണത്തില് പക്ഷപാതം കാണിച്ചിട്ടില്ലെന്നും സംഭാഷണത്തിന്റെ ഒരു ഭാഗം അടര്ത്തിയെടുത്ത് പ്രചരിപ്പിക്കുകയാണെന്നും സുജിത വിശദീകരിച്ചു.
Discussion about this post