സംസ്ഥാന സർക്കാരിന് കനത്ത തിരിച്ചടി. സ്വര്ണക്കടത്ത് കേസ് അന്വേഷിച്ച ഉദ്യോഗസ്ഥര്ക്കെതിരേ ജുഡീഷ്യല് അന്വേഷണം നടത്താനുള്ള സംസ്ഥാന സര്ക്കാരിന്റെ തീരുമാനത്തെ ചോദ്യംചെയ്ത് എന്ഫോഴ്സ്മെന്റ് ഡയറക്ടറേറ്റ് നല്കിയ ഹരജിയില് അന്വേഷണത്തിന് ഇടക്കാല സ്റ്റേ അനുവദിച്ചു. അന്വേഷണത്തിനെതിരായ ഇഡി ഹർജി ഫയലിൽ സ്വീകരിച്ചു. ഇഡിയുടെ ഹർജിയിൽ വാദം വിശദമായി കേൾക്കും. ഇടക്കാല ഉത്തരവിലൂടെയാണ് ഹൈക്കോടതിയുടെ സ്റ്റേ.
ജുഡീഷ്യല് അന്വേഷണം റദ്ദാക്കണമെന്നാവശ്യപ്പെട്ടാണ് ഇഡി ഹൈക്കോടതിയെ സമീപിച്ചിരുന്നത്. ഈ ഹര്ജി കോടതി ഫയലില് സ്വീകരിച്ചു. കേസില് വിശദമായ അന്വേഷണം കേള്ക്കുന്നതിന്റെ ഭാഗമായാണ് സ്റ്റേ അനുവദിച്ചത്.
അന്വേഷണത്തിനെതിരായ ഇഡിയുടെ ഹര്ജി ഫയലില് സ്വീകരിച്ച കോടതി വിശദമായ വാദം പിന്നീട് കേള്ക്കുമെന്നും അറിയിച്ചു. മറ്റ് കക്ഷികള്ക്കും നോട്ടീസ് അയക്കും. അതേസമയം ഹര്ജിയില് എതിര് കക്ഷിയാണെങ്കിലും മുഖ്യമന്ത്രിക്ക് നോട്ടീസ് അയക്കില്ല. 1952 ലെ കമ്മീഷന് ഓഫ് എന്ക്വയറീസ് ആക്ട് പ്രകാരം കേന്ദ്ര ഏജന്സികള്ക്കെതിരേ അന്വേഷണ കമ്മീഷനെ നിയമിക്കാന് സംസ്ഥാന സര്ക്കാരിന് അധികാരമില്ലെന്നാണ് ഇഡി പ്രധാനമായും ഹര്ജിയില് ചൂണ്ടിക്കാട്ടിയ കാര്യം.
ആരോപണങ്ങള് അന്വേഷിക്കാന് ബന്ധപ്പെട്ട കോടതിയെ സമീപിക്കുന്നതിന് പകരം ചട്ടങ്ങള് മറികടന്ന് സമാന്തര അന്വേഷണം നടത്താന് കമ്മീഷനെ നിയമിച്ചത് നിയമവിരുദ്ധമാണെന്നാണ് ഇഡിയുടെ വാദം. ജസ്റ്റിസ് വികെ മോഹനന് കമ്മീഷന് നിയമനം അസാധുവാക്കണം എന്നും ഇഡി ആവശ്യപ്പെട്ടിരുന്നു. എന്നാല്, എന്ഫോഴ്സ്മെന്റ് ഡെപ്യൂട്ടി ജോയിന്റ് ഡയറക്ടര് നല്കിയ ഹരജി നിയമപരമായി നിലനില്ക്കില്ലെന്നാണ് സംസ്ഥാന സര്ക്കാര് കോടതിയെ അറിയിച്ചത്.
‘കേന്ദ്ര ഏജന്സിയുടെ അന്വേഷണം കോടതിയുടെ മേല്നോട്ടത്തില് ആണ്. കമ്മിഷന് ഓഫ് എന്ക്വയറീസ് ആക്ട് പ്രകാരം സംസ്ഥാനങ്ങള്ക്ക് കേന്ദ്ര ഏജന്സികള്ക്കെതിരെ അന്വേഷണം നടത്താനാകില്ല. മുഖ്യമന്ത്രി ഒദ്യോഗിക പദവി ദുരുപയോഗം ചെയ്താണ് കമ്മീഷന് നിയമന ഉത്തരവിറക്കിയത്. സ്വര്ണക്കടത്തിലെ അന്വേഷണം അട്ടിമറിക്കാനാണ് ജുഡീഷ്യല് കമ്മീഷനെ നിയമിച്ചത്’. ആയതിനാല് ജുഡിഷ്യല് കമ്മീഷന് അന്വേഷണം സ്റ്റേ ചെയ്യണമെന്നും ഇഡി കോടതിയോട് ആവശ്യപ്പെട്ടു. മുഖ്യമന്ത്രി പിണറായി വിജയനെ മൂന്നാം എതിര്കക്ഷിയാക്കിയായിരുന്നു ഇ ഡി ഹര്ജി നല്കിയിരുന്നത്.
എന്നാല് ജൂഡിഷ്യല് കമ്മിഷന് എതിരായ ഇഡി ഹര്ജി നിലനില്ക്കില്ലെന്നായിരുന്നു സര്ക്കാര് വാദം. ഇഡി, കേന്ദ്ര സര്ക്കാരിന് കീഴിലുള്ള വകുപ്പ് മാത്രമാണെന്നും അങ്ങനെ ഒരു വകുപ്പിന് സംസ്ഥാന സര്ക്കാരിന് എതിരെ ഹര്ജി നല്കാന് കഴിയില്ലെന്നും സര്ക്കാര് കോടതിയില് നിലപാടെടുത്തു.
Discussion about this post