തിരുവനന്തപുരം: രാജ്യത്ത് കൊവിഡ് വ്യാപനം ഏറ്റവും കൂടുതലുള്ള സംസ്ഥാനമായി കേരളം തുടരുന്ന സാഹചര്യത്തിൽ കേന്ദ്ര ആരോഗ്യ മന്ത്രി മന്സുഖ് മാണ്ഡവ്യ ഇന്ന് സംസ്ഥാനത്ത്. രോഗവ്യാപനത്തിന്റെ സ്ഥിതിഗതികൾ വിലയിരുത്താൻ കേന്ദ്രസംഘവും ഇന്ന് കേരളത്തിലെത്തുന്നുണ്ട്.
നേരത്തെ സന്ദര്ശിച്ച കേന്ദ്രസംഘം കൊവിഡ് വാക്സീന് എടുത്തവരിലെ രോഗബാധയുടെ പ്രത്യേകം കണക്കെടുക്കാന് സംസ്ഥാനത്തിന് നിര്ദേശം നല്കിയിരുന്നു. ഇതിന്റെ പുരോഗതി സംഘം പരിശോധിക്കും. മുഖ്യന്ത്രിയുടെയും ആരോഗ്യ മന്ത്രിയുടെയും സാന്നിധ്യത്തില് ചേരുന്ന അവലോകന യോഗത്തില് കേന്ദ്ര ആരോഗ്യ മന്ത്രി സംബന്ധിക്കും. ഉച്ചക്ക് രണ്ട് മണിക്ക് മുഖ്യമന്ത്രി പിണറായി വിജയന്, ആരോഗ്യ മന്ത്രി വീണ ജോര്ജ് , ഉന്നത ഉദ്യോഗസ്ഥര് എന്നിവരുമായി കേന്ദ്ര മന്ത്രി ചര്ച്ച നടത്തും.
ടെസ്റ്റ് പോസിറ്റിവിറ്റി നിരക്ക് 15ന് മുകളിലെത്തിയത് ആശങ്ക വര്ധിപ്പിച്ചിരിക്കുകയാണ്. ഇരുപതിനായിരത്തിന് മുകളിലാണ് സംസ്ഥാനത്ത് മിക്ക ദിവസവും പ്രതിദിന രോഗികളുടെ എണ്ണം. രാജ്യത്ത് ചികില്സയില് കഴിയുന്ന ആകെ രോഗികളുടെ പകുതിയും കേരളത്തിലാണ്.
Discussion about this post