ആലപ്പുഴ: കുട്ടനാട്ടില് വഴിയരികില് നിര്ത്തിയിട്ടിരുന്ന വാഹനങ്ങള് കത്തിച്ചു. കാറുകളും, ബൈക്കുകളും ഉള്പ്പടെ ആറ് വാഹനങ്ങളാണ് അജ്ഞാതര് കത്തിച്ചത്. കൈനകരി പഞ്ചായത്തില് ഇന്ന് പുലര്ച്ചെയാണ് സംഭവം.
പുലര്ച്ചയോടെ ബൈക്കില് എത്തിയ ഒരു സംഘമാണ് വാഹനങ്ങള് കത്തിച്ചതെന്നാണ് നാട്ടുകാര് പറയുന്നത്. പ്രദേശങ്ങളിലെ സ്ട്രീറ്റ് ലൈറ്റ് നശിപ്പിച്ച ശേഷമായിരുന്നു വണ്ടികള് കത്തിച്ചത്.
കുട്ടനാടിന്റെ പല പ്രദേശങ്ങളിലും വീടുകളിലേക്ക് വണ്ടി കൊണ്ട് പോകാൻ പറ്റില്ല. അതിനാൽ തന്നെ രാത്രി പലരും വഴിയരികിലാണ് സ്ഥിരമായി വണ്ടി വയ്ക്കുന്നത്. ഇങ്ങിനെ വച്ചിട്ട് പോയ വണ്ടികളാണ് ഒരുകൂട്ടം സാമൂഹ്യവിരുദ്ധർ നശിപ്പിച്ചത്. സംഭവത്തില് നെടുമുടി, പുളിങ്കുന്ന് പൊലീസ് അന്വേഷണം ആരംഭിച്ചിട്ടുണ്ട്.
Discussion about this post