ഡല്ഹി: രാജ്യത്തെ ആകെ വാക്സിനേഷന് 75 കോടി കടന്ന പശ്ചാത്തലത്തിൽ കോവിഡ് വാക്സിന് വിതരണത്തില് ഇന്ത്യയെ അഭിനന്ദിച്ച് ലോകാരോഗ്യസംഘടന. ലോകാരോഗ്യ സംഘടന സൗത്ത്-ഈസ്റ്റ് റീജിണല് ഡയറക്ടര് ഡോ.പൂനം ഖേത്രപാല് സിങ് ആണ് ഇന്ത്യയെ പ്രശംസിച്ച് രംഗത്തെത്തിയത്.
”ആദ്യത്തെ 10 കോടി ഡോസ് വാക്സിന് നല്കാന് 85 ദിവസമെടുത്തപ്പോള്, ഇന്ത്യ വെറും 13 ദിവസത്തിനുള്ളില് വിതരണം ചെയ്ത വാക്സിന് ഡോസ് 65 കോടിയില് നിന്ന് 75 കോടിയാക്കി ഉയര്ത്തിയിരിക്കുന്നു”. അവര് ട്വീറ്റ് ചെയ്തു.
പ്രധാനമന്ത്രി നരേന്ദ്രമോദിയുടെ നേതൃത്വത്തില് ഇന്ത്യ ഏറ്റവും മികച്ച വാക്സിനേഷന് പ്രക്രിയയിലൂടെ ചരിത്രം സൃഷ്ടിക്കുന്നുവെന്ന് കേന്ദ്ര ആരോഗ്യമന്ത്രി മന്സുഖ് മാണ്ഡവ്യയും ട്വീറ്റ് ചെയ്തിട്ടുണ്ട്. രാജ്യത്ത് 75 കോടി ഡോസ് വാക്സിന് വിതരണം ചെയ്ത നിര്ണായക നേട്ടത്തെക്കുറിച്ചുള്ള വീഡിയോയും അദ്ദേഹം പങ്കുവെച്ചു.
Discussion about this post