തിരുവനന്തപുരം: പൊതുമരാമത്ത് സെക്രട്ടറി ആനന്ദ് സിംഗിന്റെ മകള്‍ ഭവ്യ (16) ഫ്ലാറ്റില്‍ നിന്ന് വീണു മരിച്ചു. ഒമ്പതാം ക്ലാസ് വിദ്യാർത്ഥിനിയായിരുന്നു. കവടിയാറിലെ ജവഹര്‍ നഗറിലുള്ള ഫ്ളാറ്റിൽ ഉച്ചയ്ക്ക് രണ്ട് മണിയോടെയാണ് അപകടമുണ്ടായത്.
ഫ്ളാറ്റിന്റെ ഒമ്പതാം നിലയില്‍ നിന്നാണ് കുട്ടി താഴേക്ക് വീണത്. അപകട സമയത്ത് ആനന്ദ് സിംഗ് വീട്ടിലുണ്ടായിരുന്നു. ഉടന്‍ തന്നെ സ്വകാര്യ ആശുപത്രിയിലേക്ക് എത്തിച്ചെങ്കിലും ജീവന്‍ രക്ഷിക്കാനായില്ല. പൊലീസ് അന്വേഷണം ആരംഭിച്ചു.
