കൊല്ലം: ചവറയിൽ പ്രവാസി വ്യവസായിയെ ഭീഷണിപ്പെടുത്തിയ ബ്രാഞ്ച് സെക്രട്ടറിക്ക് സിപിഎം സംരക്ഷണം. മുകുന്ദപുരം ബ്രാഞ്ച് സെക്രട്ടറി ബിജുവിനെതിരെ അന്വേഷണം ആവശ്യമില്ലെന്നാണ് പാർട്ടി നിലപാട്. സ്ഥാപനത്തിന്റെ സ്ഥലത്ത് നിലം നികത്തല് നടന്നിട്ടില്ലെന്ന റവന്യു ഉദ്യോഗസ്ഥരുടെ കണ്ടെത്തൽ അവഗണിക്കാനാണ് പാർട്ടിയുടെ നീക്കം.
സംഭാവന പിരിച്ചു പ്രവർത്തനങ്ങൾ നടത്തുന്നത് പാർട്ടിയുടെ പതിവാണെന്നാണ് ബ്രാഞ്ച് സെക്രട്ടറി ബിജുവിന്റെ കാര്യത്തിൽ സിപിഎം നേതാക്കളുടെ വിശദീകരണം. സിപിഎം ചവറ ഈസ്റ്റ് മുകുന്ദപുരം ബ്രാഞ്ച് സെക്രട്ടറി ബിജുവിനെതിരെ അമേരിക്കന് മലയാളിയായ ഷഹിയും ഭാര്യ ഷൈനിയും മുഖ്യമന്ത്രിക്ക് പരാതി നല്കിയിട്ടും കൊല്ലത്തെ പാര്ട്ടി നേതൃത്വത്തിന് യാതൊരു കൂസലുമില്ല.
കെട്ടിടം നിൽക്കുന്ന സ്ഥലത്തിനോട് ചേര്ന്നുള്ള 50 സെന്റ് ഭൂമിയില് ഒരു തരത്തിലുമുളള നികത്തലും ഇല്ലെന്നാണ് റവന്യു വകുപ്പിന്റെ കണ്ടെത്തൽ. ഈ സാഹചര്യത്തിൽ കൈക്കൂലി കൊടുത്ത് കാര്യം നേടാനില്ലെന്ന് പ്രവാസി നിക്ഷേപകനായ ഷഹി വിജയന് ആവര്ത്തിച്ച് വ്യക്തമാക്കി.
Discussion about this post