തിരുവനന്തപുരം: സംസ്ഥാനത്ത് വരും ദിവസങ്ങളിലും മഴ തുടരുമെന്ന് കേന്ദ്ര കാലാവസ്ഥാ വകുപ്പ്. വിവിധ ജില്ലകളില് ജാഗ്രത നിര്ദേശം നല്കി. ഇന്ന് കോഴിക്കോട് ജില്ലയില് ഓറഞ്ച് അലര്ട്ട് ആണ്. ഇടുക്കി, പാലക്കാട്, മലപ്പുറം, വയനാട്, കണ്ണൂര്, കാസർഗോഡ് യെല്ലോ അലര്ട്ട് പ്രഖ്യാപിച്ചു.
അടുത്ത മൂന്ന് മണിക്കൂറില് തിരുവനന്തപുരം, കൊല്ലം, പത്തനംതിട്ട, തൃശ്ശൂര്, കാസർഗോഡ് എന്നീ ജില്ലകളിലെ എന്നീ ജില്ലകളിലെ ഒറ്റപ്പെട്ടയിടങ്ങളില് ഇടിമിന്നലോടുകൂടിയ മഴയ്ക്കും മണിക്കൂറില് 40 കി.മീ വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇന്ന് കേരള, കര്ണാടക, ലക്ഷദ്വീപ് തീരങ്ങളിലും തെക്ക് പടിഞ്ഞാറന് ബംഗാള് ഉള്ക്കടലിലും അതിനോട് ചേര്ന്ന തമിഴ്നാട് തീരങ്ങളിലും മണിക്കൂറില് 40 മുതല് 50 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. അതിനാല് മത്സ്യബന്ധനത്തിന് പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
യെല്ലോ അലര്ട്ട് പ്രഖ്യാപിച്ചിരിക്കുന്ന ജില്ലകള്
ഒക്ടോബര് 6: ഇടുക്കി, പാലക്കാട്, മലപ്പുറം, വയനാട്, കണ്ണൂര്, കാസറഗോഡ്
ഒക്ടോബര് 7: തിരുവനന്തപുരം, കൊല്ലം
ഒക്ടോബര് 8: കൊല്ലം, ആലപ്പുഴ
ഒക്ടോബര് 9: ആലപ്പുഴ
ഒക്ടോബര് 10: ആലപ്പുഴ, എറണാകുളം, ഇടുക്കി, തൃശ്ശൂര്, കണ്ണൂര്, കാസർഗോഡ്
Discussion about this post