ഇരുചക്രവാഹനങ്ങളില് കുട ചൂടിയുള്ള യാത്രക്ക് നിരോധനം ഏർപ്പെടുത്തി സംസ്ഥാന സര്ക്കാര്. ഇരുചക്ര വാഹനങ്ങളില് യാത്ര ചെയ്യുന്നവരില് നിന്ന് ആയിരം രൂപ പിഴ ഈടാക്കും. ഗതാഗത കമ്മീഷണര് എം. ആര് അജിത്ത് കുമാര് ഇത് സംബന്ധിച്ച് ഉത്തരവ് ആര്.ഡി.ഒ മാര്ക്ക് കൈമാറിക്കഴിഞ്ഞു. ഉത്തരവ് വാഹനമോടിക്കുന്നയാള്ക്കും പിന്നിലിരിക്കുന്നയാള്ക്കും ബാധമായിരിക്കും.
അപകടങ്ങള് വര്ധിക്കുന്ന സാഹചര്യത്തില് ഇതേക്കുറിച്ച് ഗതാഗതവകുപ്പ് പഠനം നടത്തിയിരുന്നു. ഈ റിപ്പോര്ട്ടിന്റെ അടിസ്ഥാനത്തിലാണ് ഉത്തരവ്.
കഴിഞ്ഞ രണ്ടുവര്ഷത്തിനിടെ കുട ചൂടി ഇരുചക്രവാഹനത്തില് യാത്ര ചെയ്തുണ്ടായ അപകടങ്ങളില് പെട്ട് 14 പേര് മരിച്ചിരുന്നു. അപകടങ്ങള് വര്ധിക്കുന്ന സാഹചര്യത്തിലാണ് നിയമം കര്ക്കശമാക്കിയതെന്നാണ് വിശദീകരണം.
ഇരുചക്ര വാഹനം ഓടിക്കുന്നവരോ പുറകില് ഇരുന്ന് യാത്ര ചെയ്യുന്നവരോ കുട തുറന്ന് പിടിച്ച് യാത്ര ചെയ്യുന്നത് അത്യന്തം അപകടകരമായ സാഹചര്യമാണ് സൃഷ്ടിക്കുന്നത്. വാഹനത്തിന്റെ നിയന്ത്രണം നഷ്ടമാകാനും ഇത് ഇരട്ടിയാക്കുവന്ന് മാത്രമല്ല ഓടിക്കുന്ന ആള് തന്നെയാണ് കുട പിടിക്കുന്നതെങ്കില് അത് മൂലമുണ്ടാകുന്ന മറ്റ് ബുദ്ധിമുട്ടുകളും ഈ നിയന്ത്രണ നഷ്ടം ഇരട്ടിക്കുന്നതിനിടയാക്കും.
Discussion about this post