തിരുവനന്തപുരം: സംസ്ഥാനത്ത് ഇന്നും കനത്ത മഴയ്ക്ക് സാദ്ധ്യത. ആലപ്പുഴ, കണ്ണൂര്, കാസര്കോട് ഒഴികെയുള്ള പതിനൊന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു . ശനിയാഴ്ച വരെ ഇടിയോട് കൂടിയ മഴയ്ക്ക് സാദ്ധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. നാളെയും മറ്റന്നാളും 9 ജില്ലകളിലും ശനിയാഴ്ച്ച 12 ജില്ലകളിലും മഴ മുന്നറിയിപ്പുണ്ട്.
തെക്ക് കിഴക്കന് ബംഗാള് ഉള്ക്കടലില് ചക്രവാതച്ചുഴി രൂപപ്പെട്ടതാണ് മഴ കനക്കാന് കാരണം. അടുത്ത മണിക്കൂറുകളില് ഈ ചക്രവാതച്ചുഴി ന്യൂനമര്ദ്ദമായി മാറിയേക്കും. മലയോര മേഖലകളില് കൂടുതല് ജാഗ്രത വേണമെന്നും അധികൃതര് മുന്നറിയിപ്പ് നല്കി.
കേരളതീരത്ത് നിലവില് മത്സ്യബന്ധനത്തിന് തടസമില്ല. വ്യാഴാഴ്ച രാത്രി വരെ മൂന്ന് മീറ്റര് വരെ ഉയരത്തില് തിരമാലകള്ക്കും കടലാക്രമണത്തിനും സാദ്ധ്യത ഉള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
Discussion about this post