ആലപ്പുഴ: തനിക്കെതിരെ ആരോപണമുന്നയിച്ച പ്രതിപക്ഷ നേതാവ് വി.എസ് അച്യുതാനന്ദനെതിരെ നിയമനടപടി സ്വീകരിക്കില്ലെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. വിഎസ്സിനോട് തനിക്കുള്ളത് സ്‌നേഹവും, ബഹുമാനവുമാണ് ഉള്ളത്. ശത്രുക്കള്‍ എഴുതികൊടുക്കുന്നത് വായിക്കുകയാണ് വിഎസ് ഇപ്പോള്‍ ചെയ്യുന്നതെന്നും വെള്ളാപ്പള്ളി ഒരു സ്വകാര്യ ചാനലിനോട് പ്രതികരിച്ചു.
വിഎസ് നിയമനടപടി സ്വീകരിച്ചാല്‍ അപ്പോള്‍ കാണാമെന്നും വെള്ളാപ്പള്ളി പറഞ്ഞു.
എസ്എന്‍ഡിപിയുടെ മെക്രോഫിനാന്‍സ് വഴി വലിയ തട്ടിപ്പ് നടത്തിയെന്നും, ഇക്കാര്യം സിബിഐ അന്വേഷണത്തിന് വിടണമെന്നും നേരത്തെ വിഎസ് പറഞ്ഞിരുന്നു. എസ്.എന്‍ ട്രസ്റ്റ് നിയമനത്തില്‍ കോടികളുടെ അഴിമതി ഉണ്ടെന്നും വിഎസ് ആരോപിച്ചിരുന്നു
Discussion about this post