കൊച്ചി: പ്രേക്ഷകരിൽ ആവേശം നിറച്ച് മരക്കാർ ആദ്യ ഷോ കാണാൻ തിയേറ്ററിൽ സാക്ഷാൽ മോഹൻലാൽ. എറണാകുളം സരിത സവിത സംഗീത തിയേറ്ററുകളിലാണ് സൂപ്പർ താരം എത്തിയത്. ആരാധകരുടെ ബഹളത്തിനിടയിൽ അരമണിക്കൂറോളം അദ്ദേഹം കാറിലിരുന്നു.
രാത്രി 12.01ന് മരയ്ക്കാർ അറബിക്കടലിന്റെ സിംഹത്തിന്റെ ആദ്യ പ്രദർശനം തുടങ്ങി. സരിതയിൽ മാത്രം പ്രദർശനം പന്ത്രണ്ടരയോടെയാണ് തുടങ്ങിയത്. പ്രദര്ശനം 4100 സ്ക്രീനുകളിലാണ്. ചിത്രത്തിന്റെ നിർമാതാവ് ആന്റണി പെരുമ്പാവൂർ, നടൻമാരായ സിദ്ദിഖ്, ഉണ്ണി മുകുന്ദൻ, ഹണിറോസ് തുടങ്ങി നിരവധി താരങ്ങളും കൊച്ചി സരിത തിയേറ്ററിൽ എത്തിയിരുന്നു. ഉത്സവലഹരിയിലാണ് ചിത്രം പ്രദർശിപ്പിക്കുന്ന തിയേറ്ററുകൾ.
മോഹൻലാലിന് പുറമെ അര്ജുന് സര്ജ, സുനില് ഷെട്ടി, മഞ്ജു വാര്യര്, കീര്ത്തി സുരേഷ്, നെടുമുടി വേണു, കല്യാണി പ്രിയദര്ശന് എന്നിവരാണ് ചിത്രത്തിലെ മറ്റ് അഭിനേതാക്കള്. കുഞ്ഞാലി മരക്കാര് നാലാമന്റെ സമുദ്രയുദ്ധങ്ങളുടെ കഥ പറയുന്ന ചിത്രം മലയാള സിനിമാ ചരിത്രത്തിലെ ഏറ്റവും ചെലവേറിയ സിനിമയാണ്. ഐ വി ശശിയുടെ മകന് അനിയാണ് ചരിത്രത്തിനൊപ്പം ഫിക്ഷനും ചേര്ത്ത് തയ്യാറാക്കിയ ചിത്രത്തിൽ പ്രിയദർശനൊപ്പം സഹതിരക്കഥാകൃത്ത്.
Discussion about this post