ഇന്ധനമായി പെട്രോളോ ഡീസലോ സി എൻ ജിയോ ആവശ്യമില്ലാത്ത പുതിയ കാറുമായി കേന്ദ്ര മന്ത്രി നിതിൻ ഗഡ്കരി. ഇന്ത്യയിലെ വിവിധ നഗരങ്ങളിൽ ഭാവിയിൽ ഹൈഡ്രജൻ ഉപയോഗിച്ച് ഓടുന്ന ബസ്സുകളും ട്രക്കുകളും കാറുകളുമാണ് താൻ വിഭാവനം ചെയ്യുന്നതെന്ന് അദ്ദേഹം പറഞ്ഞു. ഇന്ധന ക്ഷാമവും വിലക്കയറ്റവും നിയന്ത്രിക്കാൻ ഇതുവഴി സാധിക്കുമെന്നും അദ്ദേഹം പറയുന്നു.
കാറുകൾക്ക് ഹൈഡ്രജൻ ഉപയോഗിച്ചും ഓടാൻ സാധിക്കുമെന്ന് ജനങ്ങളെ ബോധവത്കരിക്കേണ്ടതുണ്ട്. അതിനായി ഒട്ടും വൈകാതെ ഡൽഹിയിലൂടെ താൻ സ്വന്തം ഹൈഡ്രജൻ കാർ ഓടിച്ച് പോകുമെന്നും അദ്ദേഹം പറഞ്ഞു.
വാഹനങ്ങളിൽ ഫ്ലെക്സ് ഇന്ധന ടാങ്കുകൾ കൂടി ഉൾപ്പെടുത്തുന്നത് നിർബ്ബന്ധമാക്കി ഉടൻ ഉത്തരവ് പുറത്തിറക്കുമെന്നും അദ്ദേഹം പറഞ്ഞു. ഗാസൊലിനിൽ മെഥനോളോ എഥനോളോ കലർത്തി ഉണ്ടാക്കുന്ന ഇന്ധനമാണ് ഫ്ലെക്സ് ഇന്ധനം. ഇതുമായി ബന്ധപ്പെട്ട് ടൊയോട്ട മോട്ടോർ കോർപ്പറേഷൻ, സുസൂക്കി, ഹ്യൂണ്ടായ് മോട്ടോർ ഇന്ത്യ എന്നിവരിൽ നിന്ന് അനുകൂല മറുപടിയാണ് ലഭിച്ചതെന്നും കേന്ദ്ര മന്ത്രി നിതിൻ ഗഡ്കരി വ്യക്തമാക്കി.
Discussion about this post