ഡൽഹി: പ്രധാനമന്ത്രി നരേന്ദ്ര മോദിയുടെ ഔദ്യോഗിക ട്വിറ്റർ അക്കൗണ്ട് അജ്ഞാതർ ഹാക്ക് ചെയ്തു. അല്പസമയത്തേക്ക് അക്കൗണ്ട് നിയന്ത്രണാതീതമായെന്നും എന്നാൽ വൈകാതെ തന്നെ അതിന്റെ നിയന്ത്രണം വീണ്ടെടുത്തെന്നും പ്രധാനമന്ത്രിയുടെ ഓഫീസ് അറിയിച്ചു.
The Twitter handle of PM @narendramodi was very briefly compromised. The matter was escalated to Twitter and the account has been immediately secured.
In the brief period that the account was compromised, any Tweet shared must be ignored.
— PMO India (@PMOIndia) December 11, 2021
ഹാക്ക് ചെയ്യപ്പെട്ട സമയത്ത് ട്വിറ്ററിൽ വ്യാജ വാർത്തയും പരന്നു. ഇന്ത്യ ബിറ്റ്കോയിൻ ലീഗൽ ടെണ്ടറായി അംഗീകരിച്ചുവെന്നും പൗരന്മാർക്ക് വിതരണം ചെയ്യുന്നതിനായി സർക്കാർ ഡിജിറ്റൽ ധനം ശേഖരിക്കുകയാണെന്നും പ്രധാനമന്ത്രിയുടെ അക്കൗണ്ട് വഴി ഹാക്കർമാർ പ്രചരിപ്പിച്ചു.
ഹാക്ക് ചെയ്യപ്പെട്ട സമയത്ത് പ്രചരിപ്പിക്കപ്പെട്ട ട്വീറ്റ് സാധുവല്ലെന്നും അത് അവഗണിക്കണമെന്നും പ്രധാനമന്ത്രിയുടെ ഓഫീസ് അറിയിച്ചു. നിലവിൽ അക്കൗണ്ട് വീണ്ടെടുത്തിട്ടുണ്ട്. 73.4 ദശലക്ഷം ഫോളോവേഴ്സാണ് പ്രധാനമന്ത്രിക്ക് ട്വിറ്ററിൽ ഉള്ളത്.
2020 സെപ്റ്റംബർ മാസത്തിൽ പ്രധാനമന്ത്രിയുടെ സ്വകാര്യ വെബ്സൈറ്റും മൊബൈൽ ആപ്പും അജ്ഞാതർ ഹാക്ക് ചെയ്തിരുന്നു.
