‘യേശുക്രിസ്തു പകർന്ന മഹനീയ പാഠങ്ങൾ അനുസ്മരിക്കാം‘: ക്രിസ്മസ് ആശംസകൾ നേർന്ന് പ്രധാനമന്ത്രി

ഡൽഹി: ഒമിക്രോൺ വ്യാപനം നിമിത്തം നിയന്ത്രണങ്ങൾ നിലനിൽക്കുന്ന പശ്ചാത്തലത്തിൽ ക്രിസ്മസ് ആശംസകൾ നേർന്ന് പ്രധാനമന്ത്രി നരേന്ദ്ര മോദി.

‘ഏവർക്കും ക്രിസ്മസ് ആശംസകൾ. സേവനത്തിലും കാരുണ്യത്തിലും വിനയത്തിലും അധിഷ്ഠിതമായ യേശു ക്രിസ്തുവിന്റെ മഹനീയമായ ജീവിതവും പാഠങ്ങളും നമുക്ക് അനുസ്മരിക്കാം. എല്ലാവർക്കും ആയുരാരോഗ്യ സമ്പൽസമൃദ്ധികൾ ഉണ്ടാകട്ടെ. എല്ലായിടങ്ങളിലും ആഹ്ളാദം നിറയട്ടെ.‘ പ്രധാനമന്ത്രി ട്വീറ്റ് ചെയ്തു.

Christmas greetings to everyone! We recall the life and noble teachings of Jesus Christ, which placed topmost emphasis on service, kindness and humility. May everyone be healthy and prosperous. May there be harmony all around.

— Narendra Modi (@narendramodi) December 25, 2021

ഒമിക്രോൺ വ്യാപനത്തിന്റെ പശ്ചാത്തലത്തിൽ ലോകമെമ്പാടും ക്രിസ്മസ് ആഘോഷങ്ങൾക്ക് നിയന്ത്രണമുണ്ട്. കൊവിഡ് നിയന്ത്രണങ്ങൾ നിമിത്തം സാന്റായുടെ ആഗമനവും കുടുംബയോഗങ്ങളും മിക്കയിടങ്ങളിലും കർശനമായ നിയന്ത്രണങ്ങൾക്കിടയിലാണ്.

മഹാരാഷ്ട്രയിൽ രാത്രികാല കർഫ്യൂ നിലനിൽക്കുകയാണ്. ഇവിടെ രാത്രി 9.00നും രാവിലെ 6.00നും ഇടയിൽ അഞ്ച് പേരിൽ കൂടുതൽ കൂട്ടം ചേരാൻ പാടില്ല. ഡൽഹിയിലും ഉത്തർ പ്രദേശിലും മധ്യപ്രദേശിലും ഹരിയാനയിലും കർശനമായ നിയന്ത്രണങ്ങളാണ് ഏർപ്പെടുത്തിയിരിക്കുന്നത്.