ഡൽഹി: അഞ്ച് സംസ്ഥാനങ്ങളിൽ തെരഞ്ഞെടുപ്പ് അടുത്തിരിക്കുന്ന സാഹചര്യത്തിൽ കോൺഗ്രസിനെ വീണ്ടും വെട്ടിലാക്കി മുതിർന്ന നേതാവ് ഹരീഷ് റാവത്ത്. രാജ്യത്ത് കോൺഗ്രസിന്റെ നില പരുങ്ങലിലാണെന്ന് ഉത്തരാഖണ്ഡിൽ അദ്ദേഹം പറഞ്ഞു. ദേശീയ രാഷ്ട്രീയത്തിൽ കോൺഗ്രസ് പാർട്ടി ഇപ്പോൾ മോശം ഫോമിലാണ് എന്നായിരുന്നു അദ്ദേഹത്തിന്റെ പ്രതികരണം.
ജനങ്ങൾക്ക് ഇപ്പോഴും കോൺഗ്രസിൽ പ്രതീക്ഷയുണ്ട്. എന്നാൽ നമ്മൾ ഇപ്പോൾ ഫോമിലല്ല. എന്നാൽ ഏതൊരു മികച്ച ബാറ്റ്സ്മാനെയും പോലെ ഫോം വീണ്ടെടുത്ത് കോൺഗ്രസ് തിരിച്ചു വരുമെന്ന് ഹരീഷ് റാവത്ത് ശുഭാപ്തിവിശ്വാസം പ്രകടിപ്പിച്ചു.
2017ലെ ഉത്തരാഖണ്ഡ് നിയമസഭാ തെരഞ്ഞെടുപ്പിൽ 70ൽ അ57 സീറ്റിലും വിജയിച്ച് കോൺഗ്രസ് പാർട്ടിക്കെതിരെ ബിജെപി തകർപ്പൻ പ്രകടനം കാഴ്ച വെച്ചിരുന്നു. അന്ന് കോൺഗ്രസിന് വെറും 11 സീറ്റുകൾ മാത്രമേ ലഭിച്ചിരുന്നുള്ളൂ. ഫെബ്രുവരി 14നാണ് ഉത്തരാഖണ്ഡിൽ തെരഞ്ഞെടുപ്പ്. മാർച്ച് 10നാണ് ഫലപ്രഖ്യാപനം.
