ഒട്ടാവ: സുരക്ഷാ ഭീഷണിയെ തുടർന്ന് കനേഡിയൻ പ്രധാനമന്ത്രി ജസ്റ്റിൻ ട്രൂഡോയും കുടുംബവും ഒട്ടാവയിലെ രഹസ്യ താവളത്തിലേക്ക് പലായനം ചെയ്തതായി റിപ്പോർട്ട്. കനേഡിയൻ സർക്കാർ കൊവിഡ് വാക്സിൻ നിർബ്ബന്ധമാക്കിയതോടെ പ്രതിഷേധക്കാർക്കൊപ്പം ട്രാക്ടറുകളുമായി കർഷകരും ചേർന്നതോടെയാണ് ട്രൂഡോ ഒളിവിൽ പോയത്. വിഷയത്തിൽ ട്രൂഡോയുടെ ഓഫീസ് പ്രതികരിച്ചിട്ടില്ല.
കാനഡയിൽ പ്രവേശിക്കുന്നവർക്ക് കൊവിഡ് വാക്സിൻ നിർബന്ധമാക്കിയ ട്രൂഡോയുടെ നടപടി ജനാധിപത്യ വിരുദ്ധമാണ് എന്നാണ് പ്രതിഷേധക്കാരുടെ വാദം. പ്രതിഷേധക്കാർ വന്ന വാഹനങ്ങൾ തലസ്ഥാന നഗരിയിൽ ഗതാഗത സ്തംഭനം സൃഷ്ടിച്ചു. കനേഡിയൻ പാർലമെന്റിലേക്കുള്ള പ്രധാന പാത പ്രതിഷേധക്കാർ ഉപരോധിച്ചു.
കാനഡയിൽ കൊവിഡ് വാക്സിൻ നിർബ്ബന്ധമാക്കിയ നടപടി പിൻവലിക്കണം എന്നാണ് പ്രതിഷേധക്കാരുടെ ആവശ്യം. എന്നാൽ ഇവരുടെ നിലപാട് രാജ്യത്തെ നിലവിലെ സാഹചര്യത്തിൽ സ്വീകാര്യമല്ല എന്നാണ് ട്രൂഡോയുടെ പക്ഷം. കാനഡയിൽ കൊവിഡ് വ്യാപനം വർദ്ധിക്കുന്ന സാഹചര്യത്തിൽ വാക്സിൻ സ്വീകരിക്കുന്നതുമായി ബന്ധപ്പെട്ട വിഷയത്തിൽ ആർക്കും ഇളവ് നൽകാൻ സാധിക്കില്ലെന്ന് സർക്കാർ വ്യക്തമാക്കുന്നു.
Discussion about this post