ഫെബ്രുവരി 9, 10 തീയതികളിൽ സൗരക്കൊടുങ്കാറ്റിന് സാധ്യതയെന്ന് ബഹിരാകാശ ഗവേഷകർ. സൂര്യനിൽ നിന്നും വലിയ തോതിൽ പുറന്തള്ളപ്പെടുന്ന ഊർജ്ജശ്രേണികൾ ഭൂമിയിൽ പ്രത്യാഘാതങ്ങൾ സൃഷ്ടിക്കുമെന്നാണ് മുന്നറിയിപ്പ്. ഇത് ചിലയിടങ്ങളിൽ സിഗ്നൽ തകരാറുകളും ധ്രുവദീപ്തികളും ഉണ്ടാകാൻ കാരണമായേക്കാം എന്നും സെന്റർ ഓഫ് എക്സലൻസ് ഇൻ സ്പേസ് സയൻസസിലെ ശാസ്ത്രജ്ഞർ വ്യക്തമാക്കുന്നു.
//CESSI SPACE WEATHER BULLETIN//07 FEB 2022//SUMMARY: NOMINAL SPACE WEATHER// A filament eruption was observed on the Sun south of disk center on 06 FEB. SOHO LASCO detected a partial halo CME being launched soon thereafter.
+ pic.twitter.com/0o5Z0QjSRH— Center of Excellence in Space Sciences India (@cessi_iiserkol) February 7, 2022
മണിക്കൂറിൽ 21,60,000 കിലോമീറ്റർ വേഗതയിൽ ഭൂമിക്ക് സമീപത്ത് കൂടി സൂര്യനിൽ നിന്നുള്ള പുറന്തള്ളലുകൾ കടന്ന് പോകുമെന്നാണ് റിപ്പോർട്ട്. ഇത് പ്രത്യക്ഷത്തിൽ അപകടം ഉണ്ടാക്കിയേക്കില്ല. എന്നാൽ ചെറിയ തോതിലുള്ള ഭൗമ കാന്തിക കൊടുങ്കാറ്റിന് കാരണമായേക്കാം.
സൂര്യന്റെ കൊറോണയിൽ നിന്നും വലിയ തോതിൽ പ്ലാസ്മയും കാന്തിക മണ്ഡലവും പുറത്തു വരുന്ന പ്രക്രിയയാണ് കൊറോണൽ ദ്രവ്യ പ്രവാഹം. സൂര്യനിൽ നിന്നും പുറപ്പെട്ടാൽ 15 മുതൽ 18 മണിക്കൂറുകൾക്കുള്ളിൽ ഇതിന് ഭൂമിയിൽ എത്താൻ സാധിക്കും.
Discussion about this post