ബംഗലൂരു: രാജ്യത്തെ ശക്തിപ്പെടുത്താൻ ഹൈന്ദവ ഏകീകരണം സാധ്യമാക്കുന്നതിന് വേണ്ടി പ്രവർത്തിക്കുന്ന സംഘടനയാണ് ആർ എസ് എസ് എന്ന് കർണാടക നിയമസഭാ സ്പീക്കർ വിശ്വേശ്വർ ഹെഗ്ഡെ കഗേരി. ആർ എസ് എസിന്റെ പരിശ്രമത്തിൽ താൻ പങ്കാളിയാണ്. നിയമസഭയിൽ ആർ എസ് എസ് വിരുദ്ധ മുദ്രാവാക്യം മുഴക്കേണ്ടുന്നതിന്റെ യാതൊരു ആവശ്യകതയും ഇല്ല. ഇത്തരം കാര്യങ്ങൾക്ക് നിയമസഭ വേദിയാക്കാൻ അനുവദിക്കില്ലെന്നും സ്പീക്കർ കോൺഗ്രസ് അംഗങ്ങളോട് പറഞ്ഞു.
കാവി പതാകയുമായി ബന്ധപ്പെട്ട പ്രസ്താവനയിൽ കർണാടക മന്ത്രി രാജി വെക്കണമെന്ന് ആവശ്യപ്പെട്ടാണ് കോൺഗ്രസ് അംഗങ്ങൾ നിയമസഭയിൽ ബഹളം വെച്ചത്. പ്രതിപക്ഷ സ്ഥാനത്ത് ഇരിക്കാൻ ധാർമ്മികമായ യോഗ്യത പോലും നഷ്ടപ്പെട്ട പാർട്ടിയാണ് കോൺഗ്രസ് എന്ന് കർണാടക മുഖ്യമന്ത്രി ബസവരാജ് ബൊമ്മൈ അഭിപ്രായപ്പെട്ടു.
Discussion about this post